रूमी 15:26 - Korwa Bible

²⁶ मकिदुनिया राइजरिकुःआ अरू अकाया राइजरिकुःआ बिसवासी होड़कू अँनकूराः आन-धानते एरुसलेमरिकुःआ गरीब बिसवासी होड़कू संघरावाकू लगा बहालते बिहिरीकू उतराववाडकुःआ।

रूमी 15:26 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:40

हनमेला मरंग राजा कता कुदायता, अपे ईंगपे अयूम। अपे ईंगरिकुःआ तोनोंगीग हुडिंगीग अजी बोपोहकू सुदा जे हों सकालाःपे एचेकेरा हना ईंग लगापे एचेकेरा।

मती ओजाःतेरा भगवानराः नपाय सरवन 26:11

गरीब होड़कू अपे एचेरे जमा बेलाकू दोहोनता। मनदो ईंग अपे सुदा सगर दिन ओरोयिंग दोहोनेना।

लूका 14:13

मनदो आम होड़कू जोम लगाम राःकूतान दो गरीब होड़कू, खोड़ा होड़कू, लंगड़ा होड़कू अरू अंधा होड़कूम राः।

लूका 6:20

ईसू हनमेला अनँयग चेलाकू अगी ञेलवातेडखने कताया, “ने गरीब होड़कू, अपेराः जीव-जहन भगवान भलावाडखने नपायगेता। हनालगा भगवानराः राइज अँननपेराः हवे।

मूक चेलाकू 16:12

हंडा अले जहाज अते उतरावनेनखन पिलिपी सहर दुनूर दूरले सेनेडा। हना सहर मकिदुनिया राइजराः मीटोंग मरंग सहर दोहोना अरू रूमी देसरिकुःआ होड़कू हंडा मुरुककू दोहोना। अरू अले दो मुरुक दिन वरी हंडाले दोहोना।

मूक चेलाकू 16:9

दो हना रइत पउलूस मीटोंग दरसने ञेलतेरा। हना दरसनरे मकिदुनिया देसरीग मी होड़ हाँय एचेरे चड़ाँनेनखने असेया, “मकिदुनिया देसमे वेग, अरू अलेम संघरावा।”

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 19:21

नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।”

मूक चेलाकू 9:13

दो हनानियाह कता कुदातेरा, “परबू अलोम वारगींग। हाँयग होड़ बदीरे मुरुकिंग अयूमतेरा अरू हाँय एरुसलेमरे आमरिकुःआ सुद होड़कू जमा बरानाः कटसियातेडकुःआ।

1 कुरिंती 16:15

ने ईंगरिकुःआ अजी बोपोहकूतिंग, अपे सुसुदीतना अकाया देसरे इसतपनूसराः ओड़ाःरिकुःआ होड़कू मड़ंग ईसू एचेरेकू बिसवासतेरा। हँकू भगवानरिकुःआ सुद होड़कू संघरावा लगा मुरुक सपड़ावतोकू दोहोनता।

1 कुरिंती 16:5

ईंगके मकिदुनिया देस पार सेन लगा इदा। हना तयोमरे अपे सुदायिंग जुमाःता।

2 कुरिंती 1:16

ईंग अपे एचेरे बोलो पारकियानखन मकिदुनिया देसिंग सेन अरू हनाते अपे एचेरे अरूयिंग कुदा वेग लगायिंग ओंगोल दोहोतेरा, जेमहा ईंग एहूदिया छतर सेन मेला अपे ईंगपे पइड़घाव अवेकेःआ।

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

2 कुरिंती 2:13

मनदो ईंगरीग बिसवासी बोहोयिंग तितूस सुदा हंडा मेरिंग जुमावगान। हनालगा ईंग जीव नपाय मेर लगावगान अरू ईंग हंडाकुःआ होड़कू पइड़घावतिडिंगखन मकिदुनिया देसिंग सलावयान।

2 कुरिंती 7:5

अले मकिदुनिया देसरेले सेनेड मेला अले मेरले लोड़ोगान, मनदो चइरो गतरते अलेके कटसिया होयाःआ। होड़कू अले मुरुककू संतावलेःआ अरू अलेराः जीव कुहकाः घड़ीन हदराःआ।

2 कुरिंती 9:12

अपे नाःआ इया बिहिरीपे उतरावता हना अते भगवानरिकुःआ सुद होड़कूराः जरूरइत एकला मेरपे पुरावगेता, मनदो मुरुक एटाः होड़कू हों हना अते भगवानकू धनियाबादता।

2 कुरिंती 9:2

अपे संघरावाकू लगा ओसताज इदानपेःआ हनायिंग सुसुदीतना। अरू ईंग मकिदुनिया राइजरिकुःआ बिसवासी होड़कू एचेरे अपे बदीरे नपायिंग कताकेरा, कोनालोम वरीते अकाया राइजरिकुःआ होड़कू संघरावाकू लगा ओसताज इदानकुःआ, माःआन अरू अपे ओसताज इदानपे अते हँकू होंकू ओसताजयना।

2 कुरिंती 9:4

दो मकुदिनियारिकुःआ बिसवासी होड़कू अते तोनोंगीग ईंग सुदाकू वेग अरू अपे सपड़ावतो मेरकू ञेलपे दो, चुवामन जा अले मुरुक भरसा घड़ीनले दोहोन अते, अले अरू अपे होँपे गियू जुवाःता।

पिलिपी 4:15

ने पिलिपीरिकुःआ होड़कू, अपे अँननपे सुदीयतना, मड़ंग मी तुरहा भगवानराः नपाय सरवन ईंग अपे एचेरेयिंग परसारतेरा। हना तयोमरे मकिदुनिया देस अतेयिंग सलाः मेला अपे अड़ाःकेडखन तोनोंगाः कलसियारिकुःआ होड़कू ढिबुवा एमेवाडखन मेरकू संघरावागडिंगा।

1 तिसलूनिका 1:7

नाःआते मकिदुनिया राइजरिकुःआ अरू अकाया राइजरिकुःआ बिसवासी होड़कू, अपे इया नपाय जीवकू जियाः लगा चिनहापे बड़ाँवयना।

1 तिसलूनिका 1:8

दो अपे अते नाःआ बनर राइजरे परबू ईसू मसीराः नपाय सरवन एकला मेर सिंटावगना, मनदो अपेराः बड़ियाड़ बिसवास बदीरे हों एटाः एटाः देसरे सिंटावयना। हनालगा अपेराः बिसवास बदीरे तोनोंगीग एचेरे अले उदुःवाकू लगा तोनोंगाः जरूरी कोवानेःआ।

1 तिसलूनिका 4:10

सतायरे मकिदुनिया राइजरिकुःआ जमा बिसवासी होड़कूपे दुलारतना। मनदो अजी बोपोहकूताले, अले अपे एचेरेले असेयतना, अपे अरूपे दुलार होडे़ंगगोड ञवन

1 तिमुतियूस 1:3

ने बेटा, ईंग मकिदुनिया राइज अगीयिंग सेनेन मेला, इपीसी सहररेम दोहोन लगा आमिंग असेतेरा, जेमहा तोनोंग तोनोंग होड़कू लबरा चेड अलोकू चेडकू लगा हँकूम हुकुम अवेवाकू।

पिलेमोन 1:5

ईंग अयूमकेरा, पिलेमोन ईसू मसीरेय बिसवासगोड ञवनतना अरू परबू ईसूय दुलारतना अरू बिसवासी होड़कू सुदा अलार-दुलारतेय दोहोनतना, माःआन।