रूमी 14:18 - Korwa Bible

¹⁸ नाःआ इया ईसू मसीय सेवाता हाँयग होड़ भगवानराः ओंगोलरे अरू होड़कूराः ओंगोलरे हों नपाये दोहोनता।

रूमी 14:18 ပူးပေါင်းရင်းမြစ်များ

मरकूस 13:34

ईंगराः कुदा वेग नाःआ इया होयाःता। तोनोंगीग होड़ आँयग ओड़ाः अटूवाडखने सेनता दो, हाँय सेन मेला आँयगरिकुःआ सेवकिया होड़कू हना ओड़ाः ञेल हड़ाःगे लगाय जिमा अटूता अरू मेमेडटोंग बुता मेनेमेड होड़कू लगाय एमेतेरा। ओड़ाःरीग अगुरादार होड़ एचेरे ओड़ाः अगुरा लगाय कता जिमाकेरा।

एहुना 12:26

तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

मूक चेलाकू 10:35

मनदो जमा जइत होड़कू अते भगवानकू मान मरजइतता अरू सताय बुताकूनकू एचेयता हँकुःआ होड़कूय मनेवाता।

रूमी 12:11

तोनोंगाः बुतारे अलोपे ओडोसगुः, मनदो सुद बिरुवाराः अगुवाइते मिहनइत घड़ीन परबूपे सेवागोड ञवन।

रूमी 14:4

एटाः होड़रीग सेवादार फड़ियावगेय लगा आम इये हवे? हाँय सताये एचेयकेरा जा कोवान, हना हाँयरीग मनालिकतेन फड़ियावगेता। परबू हाँये संघरावायता। अरू हनालगा हाँय परबूराः ओंगोल इया सताये एचे अवेयता।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

रूमी 6:22

मनदो अपेराः कसूर जीव टुटीगयना अरू भगवानरिकुःआ बेगारी होड़कूपे बड़ाँवयना। नुँहू अपे सुद होड़कू बड़ाँवकियानखन ओरो टुटीगनेना हना जीवपे पवाःता।

1 कुरिंती 7:22

परबू तोनोंगीगे राःतेरा हनमेला हाँय बेगारी होड़े दोहोना हों, हाँय परबूरीग अजइततो होड़ हवे। हनन इया अजइते दोहोना हनमेला परबू राःकिरिया हाँयग होड़ मसीरीग बेगारी होड़ हवे।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 5:11

अले परबूराः अकूसले मनाःता। हनालगा अले होड़कू हाँय अगी कुदाकू लगाले मंदरावकूता। अरू भगवान अले बदीरे जमाकून नपायतेय सुदीयतना अरू हान अपे हों सुदीगोडपे लगाले असरातना।

2 कुरिंती 5:9

हनालगा अले नाःआ देहरेले दोहोन सहेले अटू एंडा अटू, हाँय ननायगेय लगा एकला तक-तकावतो इदानलेःआ।

2 कुरिंती 6:4

मनदो अलेराः नपाय बुताते होड़कू सुदीबाःगोडता, हँकू भगवानरिकुःआ सताय सेवकियाकू हवे, माःआन। अले सिकिसतारे अरू संतावरे अरू गरीबगुःरे मुरुक सहाव घड़ीनले दोहोना।

2 कुरिंती 8:21

अरू अले परबू ननायगुः लगा एकला कोवानेःआ, मनदो होड़कूराः ओंगोलरे हों नपाय एचे लगा दोंगले जोह ञवनता।

पिलिपी 4:18

अपे इपापुरूदितूसते ईंग लगापे वारतेरा हना संघरा, ईंग पवावकियानखनिंग संतोकयना। नुँहू ईंग एचेरे तोनोंग इयाःआ हुडिंग बगरा कोवानेःआ अरू जनामालेःआ इनिदा। अपेराः संघरा भगवान लगा नपाय महक एमेयता हना बलिदान इया इदा अरू हनाते हाँय ननाययना।

पिलिपी 4:8

दो ईंगरिकुःआ अजी बोपोहकूतिंग, ईंग नाःआ चिठी टुटीगगे अते मड़ंग अपे एचेरेयिंग कतायतना, सताय अरू मान मरजइतगे इदा हना कताकून, अरू नपाय अरू सुद इदा हना कताकून, अरू होड़कू ननायगोडकूता अरू भल-भलायवाकूता हना कताकून, हना जमाकूनपे ओंगोलगोड ञवन। अरू नाय नपाय अरू जागगे इयाःआ इदा हनानाः कताकूनपे ओंगोलगोड ञवन।

कुलूसी 3:24

दो अपे परबू ईसूपे सेवातना अरू हनाँय अपेराः सेवा बदलारे इमान इया इताडे एमेवापेता।

1 तिमुतियूस 2:3

नाःआ दो नपाय इदा अरू अबूरीग सडावदार भगवान नाःआतेय ननाय जुवाःता।

1 तिमुतियूस 5:4

मनदो तोनोंगीग रंडियाहीनरिकुःआ बेटा बिटीकू सहे कोपोड़ारकू इदान दो हँकू अँननकू ओड़ाःरिकुःआ होड़कू पला दरीकू लगा इदा। अरू एंगत अपात अरू जीयात-ततात अँकूकू पला दरीतेरा हनन इया हँकुःआ होड़कू भगवान सेवागेय लगाकू चिडुःता, जेमहा भगवान जुकूरकू बड़ाँव जुवाः।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 2:20

अपे बेलूर बुता बुताकेडखन कटसियापे सहाव दो, अपे लगा चिला नफा होयाःता? मनदो अपे नपाय बुता बुताकेडखन कटसियापे सहाव दो, अपेराः जीव भगवान भल-भलायगेता।

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।