रूमी 14:14 - Korwa Bible

¹⁴ परबू ईंगे एचे सुदीबाःगोतेरा, तोनोंगाः जिनिस अँनपनते बेलूर मेर होयाःता। मनदो तोनोंगीग ओंगलेता, नाःआ जिनिस बेलूर इदा, माःआन, दो हन हनाँय लगा बेनेलूर होयाःता।

रूमी 14:14 ပူးပေါင်းရင်းမြစ်များ

मरकूस 7:2

अरू ईसूरिकुःआ चेलाकू अते अदोम चेलाकू बेगर तिःई अचंगतेकू जोमा, हना हँकू ञेलतेरा।

मूक चेलाकू 10:28

दो पतरस हँकू एचेरेय कतातेरा, “अपे नपायतेपे सुदीयतना अले एहूदाकू तोनोंगीग एटाः जइत सगा होड़ सुदा मेरले दोहोनता सहे हाँयग होड़राः ओड़ाःरे मेरले बोलता। मनदो ईंग तोनोंगीग होड़ सदाःआ अरू सुद कोवाया माःआन अलो कतावाय लगा भगवान ईंग एचेरेय एचे कताकेरा।

रूमी 14:2

मी होड़ बिसवासगेता, जमा बरानाःबू जोम अवेयता, माःआन। मनदो बिसवासरे अबड़ इदानिया, हाँय अनाड़ाः-ऊतकूने जोमता।

रूमी 14:20

भगवान एचेकेरा हना बुता जोम जिनिस लगा अलोम आडगे। जमा जोम जिनिसकून नपाय इदा, मनदो आम तोनोंगाः जिनिस जोम अते एटाः होड़राः बिसवास अबड़ जुवाःता दो आम गारबारगेतना।

रूमी 14:23

तोनोंगाः कता भगवान एचेरे बेगर बिसवासते अबू एचेयता दो अबू कसूरगेता। हनालगा आम तोनोंगाः जिनिस जोम बदीरे बेगर बिसवासते बार जीवकियानखनमे जोम दो आम कसूरगेता।

1 कुरिंती 10:25

बजाररेकू अकिरिंगगेता हना तोनोंगाः मासपे किजा जोम। नाःआ मास तोनोंगाः मुरतीराः देगतो मास हवे जा कोवान, माःआन अहापे ओंगले सहे तोनोंगीग एचेरे अलोपे होंबरे।

1 कुरिंती 8:10

आम सुदीयतना मुरतीकूनरे हनसा कोनोवानेःआ। हनालगा आम मुरती मड़ंगरे मंडावतो जोम जिनिसमे जोम दो कही ओरो होयानेना। मनदो अबड़ जीव होड़कू ओंगलेता, मुरती मड़ंगरे मंडावतो जोम जिनिस जोम लगा कोवानेःआ। नँकुःआ होड़कू आम मुरतीराः मंदिररे हना मुरती मड़ंगरे मंडावतो जोम जिनिस जोजोमतोकू ञेलमे दो, हँकू कतायता, अले होंले जोम अवेयता, माःआन।

1 कुरिंती 8:7

मनदो जमा होड़कू नाःआ बदीरे मेरकू सुसुदीतना। हँकू ओंगलेता, सतायरे मुरतीकूनरे जीव इदा, माःआन। दो हँकू हना मुरतीकून मड़ंगरे मंडावतो जिनिसकूनकू जोमता। अरू हँकू अबड़ जीव होड़कू दोहोनतान अते, हँकूराः जीव मइलाव जुवाःता।

1 तिमुतियूस 4:4

भगवान तुलाकेरा हना जमा जिनिसकून ननपाय इदा अरू भगवान धनियाबाद घड़ीनबू जोमता दो, तोनोंगाः जिनिस लुलुंबाड़ लगा कोवानेःआ।

तितूस 1:15

सुद इदानकुःआ हँकुःआ होड़कू लगा जमा कता सुद इदा, मनदो इंदरी अरू ओंगोल बेनेलूराः नेवनते इदा हँकुःआ बेगर बिसवासी होड़कू अरू बेलूर ओंगोल होड़कू लगा जमा कता बेनेलूर इदा।