रूमी 14:1 - Korwa Bible

¹ ईंगरिकुःआ अजी बोपोहकूतिंग, बिसवासरे अबड़ इदानकुःआ, हँकुःआ होड़कू अहापे आड-बेकारवाकू अरू हँकू जाःता हना कताकून बदीरे, अपे अहापे अड़ा-चउकीःआ।

रूमी 14:1 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:20

जमा होड़कू नपायते मेरेय फड़ियावकू वरी, हाँय लंजाःतो सरपी ओरोय टोटाःतेरा, सहे मुटूराः सेंगेल ओरोय इडीगतेरा,

मती ओजाःतेरा भगवानराः नपाय सरवन 14:31

दो ईसू ओहेन अनँयग तिःई लंबावतेडखन पतरसे साब टेकावतिरिया अरू हाँये कतावाड, “ने गुनमिन बिसवास होड़, चिला माःआनमे ओंगोलगोतेरा?”

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

मरकूस 7:19

होड़कू जोमता, हना जिनिसकून हँकूराः जीवरे मेर सेनता, मनदो दोंगेरे सलाव जुवाःता अरू दोंगेते बहरी उडुंग जुवाःता।” (नाःआ बड़रा कता अते ईसू जमा बरानाः जोम जिनिसकून सुद माःआने कतावारा।)

लूका 17:2

तोनोंगीग हुडिंग बिसवासी होड़े एचे कसूरगेतान अते, हाँयग होड़राः होटोःरे जंता इया दिरि तोलकेडखन समुंदररे तेनेके बोलो एंडाय, हाँय लगा नपाय इदा।

एहुना 13:20

अपे ईंगपे अयूम! ईंग वारेयता हाँयग होड़ तोनोंगीग मनेवायता, दो हाँय ईंगे मनेवाता अरू ईंगे मनेवाता हाँय, ईंगे वारकेरा हाँये मनेवाता।”

मूक चेलाकू 28:2

हंडाकुःआ होड़कू अले सुदा अले मेरले ओंगोलगाड हना इया नपायतेकू मयावातेडलेःआ। हनमेला मुरुक ररंग दोहोना अरू दाः उयुःआ। हनालगा हँकू सेंगेलकू जगारतेडखन अले जमाकूकू नेत-नेवारतेरा।

रूमी 11:15

दो भगवान इसराएल होड़कूय अड़ाःतेड अते चउंदीसरिकुःआ होड़कू आँयग सुदा अरूय हेल-मेलगोतेड दो भगवान हँकूय मनेवातेड अते गोएगतो होड़कूराः जिनियाव जुवाः इया इदा।

रूमी 14:2

मी होड़ बिसवासगेता, जमा बरानाःबू जोम अवेयता, माःआन। मनदो बिसवासरे अबड़ इदानिया, हाँय अनाड़ाः-ऊतकूने जोमता।

रूमी 14:21

आम तोनोंगाः मास जोम सहे रंजावतो अंगूर रस ञूय, सहे एटाः तोनोंगाःम एचेतान अते एटाः होड़मे एचे कसूरगेयता दो, आम हना अलोम एचेय।

रूमी 14:3

भगवान जमाकूय मनेवाडकुःआ। हनालगा जमा बरानाःए जोमता हाँयग होड़, मेरेय जोमता हाँय अलोय आड-बेकारवाय। अरू मेरेय जोमता हाँयग होड़, जमा बरानाःए जोमता हाँय अलोय बदीगेय।

रूमी 15:1

ईंगरिकुःआ अजी बोपोहकूतिंग, अबू बिसवासरे बड़ियाड़ इदानबुःआ। हनालगा अबू अँननबू अबू अलोबू ननायगुः। मनदो बिसवासरे अबड़कू दोहोनता हँकुःआ होड़कू, सहाव घड़ीन संघरावाकू लगा इदा।

रूमी 15:7

हनालगा ईसू मसी अबूय मनेवारा, हनन इया अबू अँननबू अबू मनेवा होड़ेंग। अरू नाःआते भगवानराः मान मरजइत होयाःता।

रूमी 4:19

हनमेला इबराहीमराः उमइर सव बरिस दोहोना। अरू हाँय सुसुदीःआ, ईंग दो लँइग होयाः जुकूर हों कोनोवायिंगा अरू ईंगरीग अइमी सराह हों बहिली इदानिया, माःआन। मनदो हनारे हों हाँय भगवान एचेरे असरा घड़ीने बिनिसवासगोड ञवना।

1 कुरिंती 9:22

बिसवासरे अबड़ जीव होड़कू लगा ईंग हँननकू इयायिंग बड़ाँवनेना, जेमहा हँकू बिसवारेकू बड़ियाड़ जुवाः। ईंग जमा होड़कू लगा अँननकू इयायिंग बड़ाँवनेना, जेमहा ईंग अते तोनोंग इया ईसू मसी एचेरेकू बिसवासगे लगा हँकूके आँच पराः।

पिलिपी 2:29

हाँय अपे एचेरेय सेन दो, नाँय ईसू मसीरीग होड़ हवे, माःआन ओंगोलवाडखन मुरुक बहालते हाँयपे नेत-नेवार, अरू नाःआ इयाकुःआ होड़कू, अपे मान मरजइतकू लगा इदा।

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।

इबरानी 5:14

मनदो बुधियाड़ इदानकुःआ हँकुःआ होड़कू कइन तुरहा उपयोतगेतान अते करा नपाय अरू करा बेलूर इदा हना जासगे लगाकू चेडकिया।

2 एहुना 1:10

अरू तोनोंगीग होड़ एटाः इया लबरा सरवने चेड उदुःवाकूता दो, हाँय आम ओड़ाःरे अलोम नेत-नेवारगेय अरू अलोम सलामगेय।