रूमी 13:7 - Korwa Bible

⁷ अरू अपे होड़कू एमेवा लगा इदा, हना जमाकून एनेमेगोड। अपे सरकारके एमे लगा इदा हना ढिबुवाकूनपे एमेगोड। अकूस मनाः लगा इदा हँकूराः अकूसपे मनाः अरू मान मरजइतकू लगा इदा हँकूपे मान मरजइत।

रूमी 13:7 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:25

दो पतरस कतातेड, “हाव, एमेयताय।”

मती ओजाःतेरा भगवानराः नपाय सरवन 22:21

दो हँकू कतातेड, “मरंग राजा कइसरराः इदा।” दो ईसू हँकू एचेरेय कतातेड, “मरंग राजा कइसरराः हवे हान, हाँयपे एमेवा अरू भगवानराः हवे हान भगवानपे एमेवा।”

मरकूस 12:17

दो ईसू कतातेड, “मरंग राजा कइसरराः हवे हना हनाँयपे ओवा अरू भगवानराः हवे हना भनगवानपे एमेवा।” दो हँकू हाँयराः कतारेकू बयावयान।

लूका 20:22

दो अले उदुःवालेमे आम चेले माःआनमे ओंगलेतना? कइसर राजा मलगुजारी एमेवाय लगा नपाय इदा जा कोवान?”

लूका 20:25

दो ईसू कताया, “मरंग राजा कइसरराः हवे हान हनाँयपे ओवा अरू भगवानराः हवे हान भनगवानपे एमेवा।”

लूका 23:2

हँकू ईसू बदीरे पिलातूस एचेरेकू कताया, “नाँयग होड़ अलेरिकुःआ होड़कूय बहकावता। नाँय कतायता रूमी देसरीग राजा एचेरे मलगुजारी अलोपे एमेय अरू अनँयग बदीरेय कतायता, ईंग मसी अरू राजा हवे, माःआन।”

रूमी 12:10

अपे अँननपेरिकुःआ होड़कू इया एटाः होड़कू सुदापे अलार-दुलार होड़ेंग अरू अँननपे अते बगरा एटाः होड़कूपे मान मरजइत।

रूमी 13:6

जमा हातपात होड़कू भगवानरिकुःआ सेवादारकू इया अँननकूराः जिमेवारीकू एचे पुरावगेता। हनालगा अपे जमा बरानाः मलगुजारीकून एएमे लगा इदा, हनापे एमेगोड।

इपीसी 5:33

ईंग अरूयिंग कतायतना, अपे जनामा मरदकू अँननपेरिकुःआ एपेराकू अँननपे इयापे अलार-दुलारकू अरू जनामा अइमीकू अँननपेरिकुःआ हेपेरेलकूपे मान मरजइत।

इपीसी 6:5

ने सेवकियाकू, अपे ईसू मसीराः कतापे मनाःता हनन इया, अपेरिकुःआ मालिककूराः अकूस मनाः घड़ीन हँकूराः कता मिनी जीवतेपे मनाः।

1 तिमुतियूस 5:13

हँकू कुड़ही जुवाःताकू अरू हँकू ओड़ाः ओड़ाः सेन घड़ीन होड़कूकू ओपता इदीता। हँकू एटाः होड़कूराः बुतारेकू मेसा जुवाःता अरू होड़कू सुदा बुतुड़ु इया कोवानेःआ हना बड़राकू कतायता।

1 तिमुतियूस 5:17

नपायते होड़कूकू अगुवाइवाता हँकुःआ कलसियारिकुःआ अगुवा होड़कू अते तोनोंग तोनोंग होड़कू भगवानराः सरवनकू परसारगे लगा अरू चेडकू लगाकू मिहनइतगेता। दो ननन इयाकुःआ होड़कू बगरा मान मरजइतकू लगा इदा।

1 तिमुतियूस 6:1

बिसवासी बेगारी होड़कू अँननकूरिकुःआ मालिककू मान मरजइतकू लगा इदा, जेमहा भगवानराः ञाव अरू अलेराः चेड बदीरे तोनोंगीग अलोकू ओपता अवे।

1 पतरस 3:7

ने हेपेरेलकू, अपे हों हनन इया अँननपेरिकुःआ एपेराकू मान मरजइतकूपे अरू अलार-दुलारकू घड़ीनपे तिहाकू। हँकू अपे अते अबड़ इदानकुःआ, मनदो हँकू हों बरोबइर अपे सुदा भगवान एमेकेरा हना नँवा जीवराः दहिन पवाः लगा इताडदारकू इदानकुःआ। नाःआ इयापे एचेय दो, अपे अरजी मेला तोनोंगाः टटी-बेड़ा अपे लगा ओरो होयानेना।