रूमी 12:7 - Korwa Bible

⁷ तोनोंगीग होड़कू सेवा लगा दहिने पवावकियान दो हाँय नपायतेय सेवागोड ञवन, अरू तोनोंगीग चेडकू लगा दहिने पवावकियान दो हाँय नपायतेय चेडगोड ञवन।

रूमी 12:7 ပူးပေါင်းရင်းမြစ်များ

मती ओजाःतेरा भगवानराः नपाय सरवन 28:19

हनालगा अपे जमा जइत होड़कू एचेरे सेनेकियानखन ईंगरिकुःआ चेलाकूपे बड़ाँव अरू हँकू अपात अरू बेटात अरू सुद बिरुवाराः ञावते बतिसमापे एमेवाकू।

एहुना 3:2

दो हाँय मी दिन, रइत मेला ईसू एचेरे सेनेडखने कताया, “ने गुरुजी, भगवान आम सुदा मेरेय दोहोकुः दो, आम एचेयता हना बयाव जुवाः इयाःआ बुता तोनोंगीग ओरोय एचे अवेतेरा। हनालगा अले सुसुदीतना आम भगवान अगीते अले चेडले लगाम वेगकिया।”

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

मूक चेलाकू 20:20

अपे नाःआ होँपे सुदीयतना, अपे लगा नफा दोहोना हना कताकून परसार उदुः अते मेरिंग रोंकावगाड। मनदो जमा होड़कू तलारे अरू ओड़ाः ओड़ाः सेनेवाडखनिंग चेडगोड ञवना।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

1 कुरिंती 12:5

अबू एटाः एटाः दहिनते परबूबू सेवाता, मनदो अबू जमाकू मिनीटोंग परबूबू सेवाता।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

गलातिया 6:6

सरवने चिडुःता हाँयग होड़ अनँयगराः आन-धान आँयगरीग चेडदार होड़े हटिंगवा।

इपीसी 4:11

दो मसी, कलसियारिकुःआ होड़कू सेवा लगाय एमेकेरा हना दहिनकून नाःआ इया इदा। तोनोंग तोनोंग होड़कू ईसूरिकुःआ मूक चेलाकू होयाः लगा, तोनोंग तोनोंग होड़कू भगवानराः बड़रा कता होड़कू होयाः लगा, तोनोंग तोनोंग होड़कू नपाय सरवन परसार उदुः होड़कू होयाः लगा, तोनोंग तोनोंग होड़कू कलसियारिकुःआ अगुवा होड़कू बड़ाँः लगा अरू तोनोंग तोनोंग होड़कू चेडदार होड़कू होयाः लगाय जिमाकेडकुःआ।

कुलूसी 4:17

अरू अरकिपूस एचेरेपे कताय, “परबू आमे जिमावारा, हना सेवा एचे पुरावगे लगाम ओंगोल दोहोबाःका।”

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

1 तिमुतियूस 4:16

आम सवासिती दोहोन घड़ीनमे जियाः अरू होड़कूम चेड। नान इयाम एचेय दो आम अरू आमराः बड़राकू अयुमेता हँकुःआ होड़कू हों आम सुदाकू बनसाव जुवाःता।

1 तिमुतियूस 5:17

नपायते होड़कूकू अगुवाइवाता हँकुःआ कलसियारिकुःआ अगुवा होड़कू अते तोनोंग तोनोंग होड़कू भगवानराः सरवनकू परसारगे लगा अरू चेडकू लगाकू मिहनइतगेता। दो ननन इयाकुःआ होड़कू बगरा मान मरजइतकू लगा इदा।

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

2 तिमुतियूस 2:24

भगवानरीग सेवकिया होड़ कड़ीग होड़ अहाय होयाः, मनदो हाँय ञेल सोगायीग होड़, नपाय चेडदार अरू सहाव घड़ीन दोहोनीग होड़ होयाः,

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।