18 होया अवेन हनामिन जमा होड़कू सुदा सलसतरेपे दोहो ञवन।
आम धाम धरीरे आमराः बलिदान अटू एंडाकेडखन आमरीग सउंगता सुदा मड़ंगमे राजू-नमा जुवाः। हना तयोमरे आम कुदा सेनेकियानखन आमराः बलिदानमे देग।
अँननकू अँकू हुडिंगकू ओंगलुःता, हँकुःआ होड़कूराः जीव भगवान भलावाडखने नपायगेयता, अरू हँकुःआ होड़कू चउंदीसरिकुःआ इताडदारकूय बड़ाँवगोडकूता।
होड़कूकू एचे सलाहता, हँकुःआ होड़कूराः जीव भगवान भलावाडखने नपायगेयता, अरू हाँय हँकुःआ होड़कू, ईंगरिकुःआ लइंकू माःआने कतावाकूता।
बुलुंग नपाय जिनिस हवे। मनदो बुलुंगराः सेबेल मेर दोहोन दो हना बुलुंग अते करा इयाबू बुलुंग सेबेलगे? अपे जीव अरू ओंगोल बुलुंग इया नपाय दोहोन इदा अरू अँननपे अपे सलसतरेपे दोहोन।”
हनालगा ईंग रूमी सहररिकुःआ होड़कू एचेरे हों नपाय सरवन उदुःवाकू लगायिंग तरसाःतना।
भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा।
हनालगा अबू जमाकू सुदा हेल-मेलरे दोहोन घड़ीन बिसवासरे बड़ियाड़ होड़ेंग लगा इदा।
भगवान अबू हेल-मेलरे दोहोन लगाय राःकेडबुःआ। हनालगा तोनोंगीग अइमी सहे मरद परबू एचेरे मेरेय बिसवासगेतान अते बियाह हटकावकियाय हना अड़ाः एंडागे लगाय चाहाःतान दो, हनन इया होनोया ओवापे। हनते हाँयग अइमी सहे मरद बियाहनेनाकिन हना अटकाररे मेरकिन दोहोनता।
टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।
मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,
भगवानराः सुद बिरुवा अपे मी जुमूटकेडपेःआ दो हनन इया सलसतरे दोनोहोन लगा जमा बरानाःपे कुरनिसगोड ञवन।
हँकुःआ होड़कू अपे लगा मुरुककू मिहनइतगेता। हनालगा हँकुःआ होड़कूपे दुलारकू अरू मुरुक मान मरजइतकूपे। अपे सलसततेपे दोहो ञवन।
डिंघा धंगड़ीकूराः जीवरे वेगता, हना देहराः हिछाकून अते तोनोरेम दोहोन अरू सुद इंदरीते भगवानकू जागता, हँकुःआ होड़कू सुदा बेगर गारबारते बिसवास अरू अलार-दुलार घड़ीन सलसतरे दोहोन लगाम होमगोड।
जमा होड़कू सुदा हेल-मेलपे दोहोन लगा अरू सुद जीव जियाः लगा जमालेःआपे कुरनिसगोड ञवन। सुद जीव मेरकू जियाःता हँकुःआ होड़कू भगवान कहियो ओरोकू ञेल अवेतिरिया।
हँकू बेलूर बुता अड़ाःकेडखन नपाय बुता एचेय लगा इदा अरू सलसत जीव जियाः लगा अरू ननानाः दूररे सलावगोड ञवन लगा इदा।
