रूमी 12:16 - Korwa Bible

¹⁶ अपे जमा होड़कू सुदा हेल-मेलरेपे दोहोन। अपे अँननपे अपे कनहूनदारकू ओंगोलकियानखन अलोपे बड़वार, मनदो लचार होड़कू सुदा मिनीरेपे ननायगुः।

रूमी 12:16 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:5

अंधाकू ञेलतना, टुठा होड़कू सेनतना, कुड़गा होड़कू नपाययना, भइरा होड़कू अयुमेतना, गोएगतो होड़कू जियाव रिमुःतना अरू गरीब होड़कू एचेरे नपाय सरवनकू परसारगेतना।

मती ओजाःतेरा भगवानराः नपाय सरवन 26:11

गरीब होड़कू अपे एचेरे जमा बेलाकू दोहोनता। मनदो ईंग अपे सुदा सगर दिन ओरोयिंग दोहोनेना।

लूका 14:13

मनदो आम होड़कू जोम लगाम राःकूतान दो गरीब होड़कू, खोड़ा होड़कू, लंगड़ा होड़कू अरू अंधा होड़कूम राः।

लूका 6:20

ईसू हनमेला अनँयग चेलाकू अगी ञेलवातेडखने कताया, “ने गरीब होड़कू, अपेराः जीव-जहन भगवान भलावाडखने नपायगेता। हनालगा भगवानराः राइज अँननपेराः हवे।

मूक चेलाकू 4:32

जमा बिसवासी होड़कू मिनी जीव अरू ओंगोलतेकू दोहोना। तोनोंगीग मेरकू कतागाड, नाःआ जिनिसकून ईंगराः हवे, माःआन। मनदो हँकू एचेरे दोहोना हना जमा जिनिसकून बरोबइरकू हटिंग होड़ेंगा।

रूमी 11:20

अपे सतपे कताकेरा। मनदो नाःआ कता होँपे उहियार ञवन, हँकुःआ होड़कू मेरकू बिसवासगाड। हनाते भगवान हना डइड़कून इयाय तपेग एंडागोतेडकू अरू अपे बिसवासकेरा अतेय तोल जोड़ावकेडपेःआ।

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

रूमी 12:3

दो भगवान ईंगे मयावारा। हना अते ईंग हाँयरीग मूक चेलायिंग बड़ाँवकियानखन अपेयिंग सेतावतना, अपे इदानपेःआ हना अते मरंग अँननपे अपे अहापे ओंगलुः। मनदो नाय नपायते ओंगोल बुझावकियानखन भगवान अपेय जिमावारा हिनिनमिन बिसवास इया अँननपे अपे फड़ियावगुः।

रूमी 15:5

अबूय कता-बहालगोड ञवनता अरू सहाव घड़ीने दोहोवाबूता हाँयग भगवान एचेरेयिंग अरजीतना, जेमहा अबू ईसू मसीराः ओंगोल इया हेल-मेलरेबू दोहो ञवन।

रूमी 6:2

नाःआ इया कहियो ओरो होयानेना। अबू कसूर जीव जियाः लगाबू अड़ाः एंडागोतेडा दो, अरूबू कनासूरगोड ञवनता जा?

1 कुरिंती 1:10

ने ईंगरिकुःआ अजी बोपोहकूतिंग, ईसू मसीराः ञावते अपे एचेरे गोड़न पइयन घड़ीनिंग कतायतना, अपे जमाकू मिनी गूट जुवाःपे। अरू अपे अलोपे बेगराव हटिंगगुः, मनदो अपे मिनी जीव अरू मिनी ओंगोलते मिनी जुमूटपे दोहो ञवन।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

1 कुरिंती 4:10

ईसू मसी लगा बोको इया इदानकुःआ माःआन होड़कू ओंगोललेता, मनदो अपे ईसू मसी लगा अँननपे कनहूनदारपे ओंगलुःतना। अलेराः जीव अबड़ अरू एरंगतो इदा, मनदो अपे जंगरदारकू अरू मान मरजइत पवावतो होड़कूपे ओंगलुःतना।

1 कुरिंती 6:5

अपे एचे गियूपे लगा नाःआ कतायिंग कतायतना। बिसवासी होड़कूराः सेबा सेबाःआ कताकून फड़ियावगे लगा अपे अते तोनोंगीग कनहूनदार कोनोवाया जा?

1 कुरिंती 8:2

तोनोंगीग होड़ ओंगलेता, ईंग कनहूनदार इदानिंगा, माःआन दो हाँय निःईमिन कहिसाः मेरेय सुदीयता।

2 कुरिंती 13:11

टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

पिलिपी 3:16

दो अबू चेडकिया हनन इया सनालावगोड ञवन लगा इदा।

पिलिपी 4:2

ने एवदी अरू सुंतुकी, अबा परबू ईसू एचेरेबा बिसवासगेतना। हनालगा ईंग अबा एचेरे गोड़न पइयनकियानखनिंग कतायतना, “अबा अलोबा कड़ी होड़ेंग, मनदो सलसतरेबा दोहोन।”

इबरानी 13:5

ढिबुवाराः ललचीरे अलोपे दोहोन अरू अपे एचेरे जेमिन इदा हनानाःतेपे संतोकगे। भगवान कताकेरा, “ईंग आम कहियो ओरोयिंग अड़ाःतेडमेःआ, अरू कहियो ओरोयिंग लिड़िंगतेडमेःआ।”

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

1 पतरस 5:3

अपे एचेरे भगवान जिमाकेडकुःआ हँकुःआ होड़कू एचेरे कटराहा होड़कू इया अहापे हातपातगे। मनदो बिसवासी होड़कू लगा मीटोंग नपाय चिनहा इयापे दोहोन।

3 एहुना 1:9

ईंग कलसियारिकुःआ होड़कू लगा तोनोंग तोनोंगिंग ओजाःकेरा। हँकुःआ होड़कू अते दियुतिरुपेस ञावीग होड़ जमाकू अते मरंग बड़ाँः लगाय चहाःतना अरू हाँय ईंगराः कता मेरेय मनाःता।