रूमी 10:5 - Korwa Bible

⁵ नियम मनाः अते भगवानराः ओंगोलरे बेगर गारबार होड़कू बड़ाँः लगाकू ओंगलेता हँकुःआ होड़कू बदीरे मोसेस ओजाःतेरा, “जमा नियमकून इयाय सलाःता हाँयग होड़, हनानाः नियमते जिनियते दोहोनता।”

रूमी 10:5 ပူးပေါင်းရင်းမြစ်များ

रूमी 7:10

ईंग, जीव पवाः लगा दोहोना, हनानाः नियमिंग टड़ाव एंडाकेरा अरू हनानाः नियमतेयिंग गोएगयना।

गलातिया 3:12

भगवानराः कागदरे नाःआ इया ओजाःतो इदा; “मी होड़ नियमकून जमालेःआय मनाःतान दो, हननते हनाँयग होड़ जीयते दोहोनता।” हनालगा नियमकून मनाः इदान दो बिनिसवासगे लगा कोवानेःआ।

पिलिपी 3:9

नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।