रूमी 10:2 - Korwa Bible

² ईंग सुसुदीतना, हँकुःआ होड़कू भगवान सेवा लगा मुरुक ओसताज इदानकुःआ। मनदो हँकू भगवानराः ओंगोल इया सेवागे लगा मेरकू सुदीयतना।

रूमी 10:2 ပူးပေါင်းရင်းမြစ်များ

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

मूक चेलाकू 21:20

नाःआ कता हँकुःआ अगुवा होड़कू अयूमतेरा दो हँकू भगवानकू जागा। हनते हँकू पउलूस एचेरेकू कताया, “ने सउंगता पउलूस, एहूदाकू अते हजार हजार होड़कू बिसवासरे इदानकुःआ अरू हँकुःआ जमा होड़कू मोसेसराः नियमकून नपायतेकू मनाव वेगतना।

मूक चेलाकू 21:28

अरू खिररी घड़ीनकू कताया, “ने इसराएल देसरिकुःआ होड़कू, अलेपे संघरावा। नाँयग होड़ जमा देसरिकुःआ होड़कू एचेरे अबू एहूदाकू बदीतेडखन अरू अबूराः नियम अरू भगवान ओड़ाः बदीतेडखने चेडकूतना। हनाते हों कोवान, नाँय बेगर एहूदाकू भगवानराः ओड़ाःरे अगूतेडकूखने एचे सात-भाड़गोतेडा।”

मूक चेलाकू 22:22

बेगर एहूदाकू बदीरे पउलूस कताया, हना वरीते होड़कू हाँयराः बड़राकू अयूमतेरा। हना तयोमरे हँकू खिररी घड़ीनकू कताया, “नाँयग होड़ ञेड एंडागेय लगा इदा। नाँय नाःआ चउंदीसरे दोहोन जुकूर कोवाया।”

मूक चेलाकू 22:3

हनते पउलूस कताया, “ईंग किलिकिया देसराः तरसूस सहररीग एहूदा होड़ हवे। मनदो ईंगराः पला दरी ननानाः सहररे होयानेना। अबू खुटिपरिया होड़कूराः नियम बदीरे ईंग गमालिएल एचेरेयिंग चिडुःआ। अपे भगवान जमालेःआ मान मरजइतगेय लगा सपड़ावतो इदानपेःआ, हना इया ईंग होयिंग दोहोना।

रूमी 10:1

दो ईंगरिकुःआ अजी बोपोहकूतिंग, ईंगरिकुःआ जइत सगा इसराएल होड़कू सडाः लगा मुरुक चहाः घड़ीनिंग अरजीतना।

रूमी 10:3

भगवान करा उड़ी होड़कू बेगर गारबार होड़कूय बड़ाँवकूता, हना हँकू मेरकू सुदीयतना। अरू हँकू अँननकू अँकूते बेगर गारबार होड़कू बड़ाँः लगाकू कुरनिसगेतना। हनते हों हँकू भगवानराः ओंगोल इया बेगर गारबार होड़कू मेरकू बड़ाँव अवेगना।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

2 कुरिंती 8:3

ईंग हँकू बदीरे हिदइतिंग एमेयता, हँकू एमे अवेया हनाते मुरुक बगरा मिनी जीवकियानखन बिहिरीकू एमेबाःकातेरा।

गलातिया 1:14

अले एहूदाकूराः रिती-बिधी इया नियम मनाः लगा, ईंग इनिंग घुरी-परी होड़कू अते ओसताजिंग दोहोना।

गलातिया 4:15

ईंग सुदीयतना, होनोयाःकून करे अपे अँननपेराः मेड हों गुड़तीग उडुंगकेडखन ईंग लगापे एमेगोडकेःआ। हनमेला अपे ईंग बदीरे मुरुक बहालतेपे दोहोना। दो नुँहू नाःआ इया करा उड़ीपे बदलावयना?

पिलिपी 1:9

एटाः होड़कू लगा अपेराः अलार-दुलार बगरागोड ञवन लगायिंग अरजीतना। अपे भगवान बदीरे, अरू नपायतेपे सुदी अवेय लगा, अरू जमा सताय कताकूनपे बुझाव अवेन लगा होयिंग अरजीतना,

पिलिपी 3:6

अरू मोसेसराः नियम नपायते मनाः बदीरे ईंग बेगर गारबार होड़िंग दोहोना। भगवान मान मरजइत लगा सनपड़ावतोयिंग दोहोना अरू हनालगा कलसियारिकुःआ बिसवासी होड़कूयिंग संतावतेरा।

कुलूसी 4:13

ईंग निठासिंग सुसुदीतना, हाँय अपे लगा अरू लउदिकिया सहररिकुःआ अरू हिरापुलीस सहररिकुःआ होड़कू लगा मुरुके मिहनइतगोड ञवनतना।