रूमी 10:14 - Korwa Bible

¹⁴ मनदो हँकू हाँय एचेरे मेरकू बिसवासकेः दो करा इया हाँय एचेरेकू अरजीकेःआ? अरू हँकू हाँय बदीरे मेरकू अयूमकेः दो करा इया हाँय एचेरेकू बिसवासकेःआ? अरू तोनोंगीग हँकू एचेरे हाँय बदीरे मेरकू कताकेः दो करा इयाकू अयूमकेःआ?

रूमी 10:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:7

दो हँकू कता कुदातेरा, अले तोनोंगीग बुता लगा मेरकू उदुःवागाडले। हनालगा अले इसने ननंडा इदानलेःआ। दो हाँय हँकू एचेरेय कतातेड, अपे हों सेनेकियानखन ईंगराः अंगूर बगइचारेपे बुता।

एहुना 20:31

मनदो ईसू, भगवानरीग बेटात, मसी हवे माःआन अपे बिसवासगोड ञवन घड़ीन हाँयराः ञावते जीवपे पवाः लगा नाःआ जमा कताकून ओजाःतो इदा।

एहुना 9:36

दो हाँय कतातेड, “ने परबू, हाँय एचेरेयिंग बिसवासगे लगा हाँय इये हवे?”

मूक चेलाकू 19:2

हाँय हँकू एचेरेय होंबोरतेरा, “अपे बिसवासतेरा हना तयोमरे सुद बिरुवापे पवावनेना जा?” दो हँकू कता कुदातेरा, “चेले माःआन, अले हना इया सुद बिरुवा इदा माःआन कहियो मेरले अयूमगाड।”

मूक चेलाकू 8:31

दो हाँय कताया, “तोनोंगीग ईंग मेरकू कता बुझावगींग, दो ईंग करा इयायिंग बुझाः?” हनते हाँय पिलिप एचेरे रंत सेरमोरे हाँय सुदा दुड़ुः लगाय कतातेरा।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

इपीसी 2:17

हाँय वेगनेनखन भगवान अते तोरेकू दोहोना अरू भगवानराः लेसानरेकू दोहोना, हँकुःआ जमा होड़कू एचेरे सलसतराः सरवने कता उदुःतेरा।

इपीसी 4:21

अपे हाँय बदीरेपे अयूमबाःकेरा अरू चेडदार होड़कू अपेकू चेडतेरा, हना कता ईसू मसीराः सनाताय चेडतो हवे।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।

तितूस 1:3

अरू अबूरीग सडावदार भगवानराः हुकुमते तोल दोहोत बेलारेय जिमावरिंगा अनँयगराः नपाय सरवन ईंगराः परसारते हनानाः असरा होड़कूय एचे सुदीकेडकुःआ।

इबरानी 11:6

बेगर बिसवासते अबू भगवान कहियो ओरोबू एचे ननाय अवेतिरिया। भगवान एचेरेकू सेनता हँकुःआ होड़कू भगवान इनीदानिया अरू हाँय जीवन-जाततेकू ञमेयता, हँकू लगा हाँय इमाने एनेमेयता, माःआन बिसवासगे लगा इदा।

एकूब 5:15

अरू बिसवासराः अरजीते बेमरिया होड़ बनसाव जुवाःता अरू परबू हाँय नपाये दोहोयता। हाँय तोनोंगाःआय कसूरतेड दो, हना हों परबू बराव एंडागोडताय।