रूमी 1:32 - Korwa Bible

³² हँकू भगवानराः नियम नपायतेकू सुदीयता, नाःआ इया बेलूर बुताकू एचेयता हँकुःआ होड़कू गुजुःराः डंड पनावाः जुकूर इदानकुःआ। हनते हों हँकू हनानाः कसूरकूनकू एचेगोड ञवनता अरू हनानाः कसूरकून एचे ञवन लगा होड़कूकू लहराव ञवनता।

रूमी 1:32 ပူးပေါင်းရင်းမြစ်များ

लूका 11:48

हँकुःआ खुटिपरिया होड़कू भगवानराः बड़रा कता होड़कूकू ञेड एंडातेरा अरू अपे भगवानराः बड़रा कता होड़कू लगा मड़गटपे तुलातेरा। हनालगा हँकुःआ होड़कूरिकुःआ हिदइतदारकू इदानपेःआ अरू हँकूराः बुतारेपे मेसायना।

मूक चेलाकू 22:20

अरू आमरीग चेला इसतपनूसराः गुजुःरे होयिंग राययना अरू हाँयकू ञेड एंडातेरा हँकुःआ होड़कूराः सोनहेयिंग अगुरातेरा, माःआन।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

रूमी 1:18

भगवानराः ओंगोल इया मेरकू जियाःता हँकुःआ होड़कू सताय कता कसूरतेकू ओकोगोडता, अरू कसूर घड़ीन बेनेलूर जीवकू जियाःता। हनालगा सेरमो देस अते भगवान, हँकू सुदा मुरुक रीसतो इदानिया।

रूमी 1:21

हँकू भगवानकू सुनुदीगोतेडिया हों, हाँय मेरकू मान मरजइतगडिया अरू मेरकू धनियाबादगडिया। दो हँकूराः ओंगोल सदाःआ होयायना, अरू हँकूराः बोको जीव अनंदरायना।

रूमी 6:21

मनदो हनारे अपे जीवरे चिला नफापे पवाःआ? कही कोवान। अपे मड़ंगरेपे एचेया, अरू अपेराः जीव लाय एंडागोडता, हनानाः कताकूनपे उहियारगेतान दो, अपेके गियुः लगाःता।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

2 तिसलूनिका 2:12

हँकुःआ होड़कू बेलूर बेलूर एचेय लगाकू मंजूरवाता अरू सताय सरवन ओरोकू बिसवासतेरा, जेमहा हँकू भगवानते डंडकू पनावाः।