रूमी 1:26 - Korwa Bible

²⁶ दो भगवान हँकुःआ होड़कू अँकूराः एरंगाः ओंगोल इया एचे लगाय अड़ाः एंडागोतेडकुःआ। अँकूरिकुःआ अइमीकू हों नपाय लूर-नेवन अड़ाःकेडखन, अनइमी अइमीकू गेतेग जुमाःआ।

रूमी 1:26 ပူးပေါင်းရင်းမြစ်များ

रूमी 1:24

हनालगा भगवान हँकूराः ओंगोल इया बेलूर बुताकूनकू एचे लगाय अड़ागोतेडकुःआ, जेमहा हँकू अँननकूराः देह एटाः होड़कू सुदाकू एचे बेग-हतागे।

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

1 कुरिंती 6:9

अपे मेरपे सुसुदीतना जा गारबार होड़कू भगवानराः राइजरे इताडदारकू ओरोकू बड़ाँवनेना? तोनोंगीग अपे अहाकू अडिग अवेपे। एटाःकू सुदा बेलूर बुताकून बुता होड़कू, अरू मुरती सेवा होड़कू, अरू बियाहगुः तयोमते सनहा-सनही एचे होड़कू, अरू बंदरा होड़कू, अरू मनारद मरदकू सुदा घोड़ा होड़ेंग होड़कू,

इपीसी 4:19

हँकू बेगर गियुःते बेलूर ओंगोलरे तीलकियानखन बेलूर बेलूर बुताकून बेगर रोंकावतेकू एचेगोड ञवनता।

इपीसी 5:12

नँकुःआ होड़कू ओनोक दनंगरेकू एचेयता हना कता बदीरे कताय लगा हों होड़कू गियुः जुवाःता।

1 तिसलूनिका 4:5

अरू भगवान मेरकू सुदीयतना अरू मुहावकियानखन बेलूर ओंगोलरेकू दोहोनता हँकुःआ होड़कू इया अपे अहापे होयाः।

1 तिमुतियूस 1:10

सनहा-सनही होड़कू अरू बेगर खापरे बुताकू एचेयता हँकुःआ होड़कू लगा, होड़ अकिरिंग होड़कू अरू जलिया होड़कू, लबरा हिदइतदारकू अरू सताय चेडतोकू घंटावता हँकुःआ जमा होड़कू लगा नियमकून इदा।

जूदा 1:10

हनारे हों नँकुःआ होड़कू हँकू मेरकू सुदीयता हना कताकून बदीरे हों एरंग बड़राकू बड़राता अरू बोको जानरकू इया बेगर ओंगोलते इदानकुःआ अरू हना कताकूनते हँकू अँननकू अँकू लाय जुवाःता।

जूदा 1:7

नाःआ इया सोदोम, आमोरा अरू हना सहरकूनराः लेसानाः एटाः एटाः सहरकूनरिकुःआ होड़कू सनहा-सनही अरू जपाल होड़ेंग लगा अँननकू अँकू एमे होड़ेंगा। दो हँकुःआ होड़कू अरू हना सहरकून भगवान सेंगेलतेय बाल लो एंडागोतेडा अरू हँकुःआ होड़कू भगवान कसूर होड़कू ओरो टुटीगनेना हना सेंगेलतेय डंडियावकूता हनाराः चिनहाकू होयाकिया।