रूमी 1:23 - Korwa Bible

²³ हँकू मान मरजइतगे इयायीग अरू कहियो ओरोय गोएगनेना, हाँयग भगवान मेरकू जागगेयतना। मनदो हँकू गुजुःताकू हँकुःआ होड़कू, तितीगकू, जानरकू अरू बींगकूराः मुरतीकून इया भगवानकू बड़ाँवगोतेडिया।

रूमी 1:23 ပူးပေါင်းရင်းမြစ်များ

मूक चेलाकू 10:12

दो हना ओयोन सोनहेरे जमा इयाकुःआ जानरकू, सोलंगाःतकू हँकुःआ जीव जंतरकू, अरू तितीगकू दोहोना।

मूक चेलाकू 17:29

अबू भगवानरिकुःआ लइंकू हवे दो अबू अहाबू ओंगलेय हाँय मनुवाकूराः ओंगोल अरू कड़िगाड़तेकू तुलाकेरा हना तोनोंगाः सोना सहे चाँदी सहे दिरिराः मुरती इया इदानिया, माःआन।

रूमी 1:25

हँकू भगवानराः बदीरे सतायकू सुदीयतान हों, लबरा कतारे बिसवासगे लगाकू मंजूरयना। अरू भगवान अड़ाःतेडखन हाँय तुलाकेरा हना जिया-जउतकून जाग घड़ीनकू सेवायतना। मनदो राइजबड़ीरीग तुलादार भगवान एकला जागगे इयायीग इदानिया। आमीन!

1 कुरिंती 12:2

अपे सुसुदीतना, अपे बेगर बिसवासी होड़कूपे दोहोन मेला, मेर अयुमेता हना मुरतीकूनपे सेवा लगा अपेके आँच परावनेना अरू हनानाःपे सेवागोड ञवना।

1 पतरस 4:3

मड़ंगरे अपे मुरुक बेला वरी बेगर बिसवासी होड़कू एचेय लगाकू मंजूरवाता, हना बेलूर बुताकूनपे एचेगोड ञवना। अपे सनहा-सनहीराः बेलूर ओंगोलते अरू लिमचोर-लमचोर बुताकूनरेपे दोहोना। अपे बुनूलतो अरू दारू बोः होड़कूपे दोहोना अरू एरांगवा इयाःआ मुरती पुजा घड़ीनपे जियाःआ।

उदुःतो कताकून 9:20

हनते हों नाःआ हइजाते बनसावतो होड़कू अँननकू अँकूराः बेलूर बुताकून अड़ाःकेडखन जीव मेरकू कुदागाड, अरू भूतकूकू सेवाःआ। हँकू सोना अरू चाँदी अरू पितड़ अरू दिरि अरू कठवाराः मुरतीकूनराः सेवा मेरकू अड़ाःगाड। नाःआ मुरतीकून कहिसाः मेर ञेल अवेयता, मेर अयूम अवेयता अरू मेर सेने अवेनता।