रूमी 1:21 - Korwa Bible

²¹ हँकू भगवानकू सुनुदीगोतेडिया हों, हाँय मेरकू मान मरजइतगडिया अरू मेरकू धनियाबादगडिया। दो हँकूराः ओंगोल सदाःआ होयायना, अरू हँकूराः बोको जीव अनंदरायना।

रूमी 1:21 ပူးပေါင်းရင်းမြစ်များ

एहुना 3:19

चउंदीसरे मरसल वेगकिया, मनदो होड़कूराः बुता बेलूर इदा। हनालगा हँकू मरसल अते अंदराकू मंजूरवाता अरू हना ओजाहते भगवान होड़कूय फड़ियावता।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

रूमी 1:19

भगवान होड़कूराः जीवरे अनँयगराः बदीरे एचे सुदीकेडकुःआ। हनालगा अँननकू अँकू सतायरे भगवान बदीरेकू सुदी अवेयतना।

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

रूमी 11:10

हँकूराः मेड अंदरा जुवाः, अरू हँकू जमा बेला कुबड़ाकू दोहोन।”

रूमी 15:9

अरू भगवान बेगर एहूदाकू होंय मयावाकू अते हँकू हाँयकू जाग अवेय। नाःआ कता बदीरे भगवानराः कागदरे ओजाःतो इदा, “हनालगा ईंग जमा जइत होड़कू तलारे आमराः ञाविंग जगावता, अरू आम लगायिंग सेरेंगता।”

2 तिमुतियूस 3:2

हनमेला होड़कू अँनकू अँकू दुलारगुःता, लुभिया अरू बड़वार होड़कूकू होयाःता, जमाकू अते मरंगकू ओंगलुःता, एटाः होड़कूकू ओपताता अरू अँननकू एंगा अपाराः कताकू टड़ावगोडता, बेगर मयातेकुःआ अरू मइलाल जीव होड़कू होयाःता।

1 पतरस 1:18

अपे नपायतेपे सुदीयतना, अपेरिकुःआ खुटिपरिया होड़कू सलाव वेगा हना बेगर मतलोबाः लूर-नेवन अते, लाय एंडा जुवाःता हना चाँदी सहे सोनाते भगवान अपे मेरेय सडावगाडपेःआ,

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

उदुःतो कताकून 14:7

हाँय मुरुक सटीतेय कतातेरा, “भगवान जमाकू फड़ियावकू लगा बेला सोदोरयना। हनालगा अपे बोर घड़ीन हाँयपे मान मरजइत। सेरमो अरू ओत अरू समुंदर अरू दाः सूतीकूने तुलाकेरा, हाँयग भगवानपे जाग।”

उदुःतो कताकून 15:4

ने परबू, इये आम सुदा ओरोय बोरोनेना, अरू आमराः ञाव इये ओरोय जागतेरा? अनम एकला सुद इदानमेःआ। आमराः जमा नपाय बुता होड़कू सुदीगोतेरा, हनालगा जमा जइत होड़कू वेगकियानखन आमकू जागता।”