रूमी 1:20 - Korwa Bible

²⁰ भगवानराः लूर तोनोंगीग कहियो मेरकू ञेलगडा। मनदो भगवान चउंदीसे तुलाकेरा हना वरीते होड़कू हाँय तुलाकेरा हना जमाकूनकू ञेञेलतना। नाःआ ञेलकेडखन होड़कू सुदी अवेयता भगवानराः जंगर कहियो ओरो ओहरावनेना। हनालगा तोनोंगीग ओरोकू कता अवेतेरा, भगवान ईंग मेरिंग सुदीयतना, माःआन।

रूमी 1:20 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:45

नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता।

मरकूस 10:6

चउंदीसराः बुँहड़ीन अते भगवान मरद अरू अइमीय तुलाकेडकिना।

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।

एहुना 15:22

ईंग मेरिंग वेगकुःआ अरू हँकू ओरोयिंग कतावाकेकिकुः दो, हँकू एचेरे कसूरराः बोझा ओरो दोहोकुःआ। मनदो नुँहू हँकू ओरोकू कता अवेतेरा, अले मेरले कसूरगरा माःआन।

मूक चेलाकू 17:29

अबू भगवानरिकुःआ लइंकू हवे दो अबू अहाबू ओंगलेय हाँय मनुवाकूराः ओंगोल अरू कड़िगाड़तेकू तुलाकेरा हना तोनोंगाः सोना सहे चाँदी सहे दिरिराः मुरती इया इदानिया, माःआन।

मूक चेलाकू 22:1

“ईंग वपक बोपोहकूतिंग अरू ईंग अपांग इया इदानपेःआ होड़कू, अपे ईंग कतायता हना कतापे अयूम।”

रूमी 1:19

भगवान होड़कूराः जीवरे अनँयगराः बदीरे एचे सुदीकेडकुःआ। हनालगा अँननकू अँकू सतायरे भगवान बदीरेकू सुदी अवेयतना।

रूमी 16:26

मनदो नुँहू हना सरवन भगवान अनँयगराः बड़रा कता होड़कूते अरू सगर सइट वरीय दोहोनता हाँयग भगवानराः हुकुमते जमा जइत होड़कू एचेरेय एचे उदुःवाडकुःआ, जेमहा जमा होड़कू हाँय एचेरे बिसवासकेडखन हाँयराः हुकुम मनाः होड़कूकू बड़ाँव जुवाः।

रूमी 2:1

ने सउंगता, आम सहे तोनोंगीग दोहोन, आम एटाः होड़कू बदीकेडखनमे फड़ियावकू दो हना बदीरे आम अनम बनसाः लगा कहिसाः ओरोम कता अवेतेरा। आम एटाःकूम बदीता, हनानाः कतारे आम होंम कसूरगेतना। हनालगा आम अनमरीग फड़ियावदारमे बड़ाँःता।

रूमी 2:15

हँकू उदुःगेता, मोसेसराः नियम अलेराः जीवरे दोहोत इदा अरू अलेराः इंदरी अरू ओंगोल हिदइत उदुःगेता, अले नपाय सहे बेलूर बुताकूनले एचेयता जा, माःआन।

1 कुरिंती 1:20

दो कनहूनदारकू अरू चेडदार होड़कू अरू नाःआ चउंदीसरिकुःआ पपरसार होड़कू बदीरे चेले माःआनपे ओंगलेतना? नाःआ चउंदीसरिकुःआ कनहूनदारकूराः कनहून, भगवान मेरेय एरंगवागरा जा?

कुलूसी 1:15

भगवान तोनोंगीग ओरोबू ञेल अवेतिरिया, मनदो ईसू मसी सिरामइत भगवान बरोबइर इदानिया। हाँय मड़ंगीग बेटात हवे, अरू जमालेःआते मनारंग इदानिया।

कुलूसी 2:9

ईसू मसी चउंदीसरेय दोहोन मेला, भगवानराः लूर जमालेःआ हाँय एचेरे दोहोना।

1 तिमुतियूस 1:17

जूग परिया अते राजा इदानिया अरू सगर सइट लगा जीयत इदानिया अरू तोनोंगीग ओरोकू ञेल अवेतिरिया हनाँयग मिनीटोंग भगवानराः मान मरजइत अरू जाग सगर सइट होनोयागोड ञवन, आमीन!

1 तिमुतियूस 6:16

हनाँय एकला सगर सइट लगा जीयत इदानिया अरू मुरुक विड़चेड़तो मरसलरेय दोहोनता। तोनोंगीग होड़ हाँय तोनोंग बेला मेरकू ञेलगडिया अरू तोनोंगीग होड़ हाँय ओनोरोकू ञेल अवेतिरिया। हाँयके मान मरजइत होया ञवन अरू हाँयराः राइज जनामा जूग वरी दोहोन। आमीन!

इबरानी 11:27

बिनिसवासते मोसेस मेरेय ञेल ञामुःता हाँयग भगवान एचेरे, ञिलुःतना हना इयाय बड़ियाड़यान। हनालगा हाँय पिरोन राजा रीस भीकनेना हना मेरेय बोरोवागाड अरू मिसिरी देसे अड़ाः एंडागोतेड।

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?