रूमी 1:15 - Korwa Bible

¹⁵ हनालगा ईंग रूमी सहररिकुःआ होड़कू एचेरे हों नपाय सरवन उदुःवाकू लगायिंग तरसाःतना।

रूमी 1:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 9:38

हनालगा दोहोड़रीग मालिक भगवान एचेरे बुता होड़कूय वारकू लगापे अरजीगे।”

मरकूस 14:8

नाँयग अइमी एचे अवेःआ हनानाःए एचेकेरा। नाँय ईंगकू तील अते मड़ंग ईंग धाररे सुनुमे तिलाःकेरा।

एहुना 4:34

दो ईसू हँकू एचेरेय कताया, “ईंगे वारकेरा हाँयराः ओंगोल इयायिंग सेन अरू बुतायिंग बुता पुराव। ननानाः हवे ईंगराः जोम जिनिस।

मूक चेलाकू 21:13

दो पउलूस कता कुदातेरा, “अपे चिला लगा ईंगराः जीवपे इयाम अदरुजीतना? ईंग ईसूराः बदीरे तोलुः लगा अरू गुजुः लगा हों सपड़ावतो इदानिंगा।”

रूमी 10:15

तोनोंगीग हँकू मेरकू वारकेकुः दो हँकू करा इया एटाःकू एचेरेकू कता उदुः अवेकेःआ? हनालगा भगवानराः कागदरे हँकुःआ होड़कू बदीरे नाःआ इया ओजाःतो इदा, “नपाय सरवनकू उदुःता हँकुःआ होड़कूराः काट तुमिन सुघर इदा!”

रूमी 12:18

होया अवेन हनामिन जमा होड़कू सुदा सलसतरेपे दोहो ञवन।

रूमी 15:20

ईसू मसी बदीरे मेरकू सुदी अवेगरा, हँकुःआ होड़कू नपाय सरवनिंग परसार उदुःवाकू लगा ईंग जीव ओंगोल तरसाःतना, जेमहा ईंग एटाः होड़ रेमकेरा हना रेमतो भीटरे ओड़ाः अलोयिंग तुलाय।

1 कुरिंती 9:17

ईंग इनिंगराः हिछातेयिंग परसारगेतान दो हनाराः इमानिंग पवाःता। मनदो ईंगे जिमेवारा, हनालगा ईंगके पपरसार पनाराःता।

2 कुरिंती 8:12

तोनोंगीग बिहिरी एमे लगा हाँयराः हिछा इदान दो, आँयग एचेरे कोवानेःआ हना अते कोवान मनदो हाँय एचेरे इदा हनानाः अतेय एमेगोडता दो भगवान हनाए मनेवाता।