रूमी 1:14 - Korwa Bible

¹⁴ उनानी भासीकू बड़राता हँकुःआ होड़कू अरू एटाः एटाः भासीकू बड़राता हँकुःआ होड़कू, कनहूनदारकू अरू अलीगवारकू, हँकू जमाकू एचेरे नपाय सरवन उउदुःवाकू लगा इदा।

रूमी 1:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:25

दो हनमेला ईसू कतातेरा, “ने सेरमो देस अरू चउंदीसरीग मालिक, ईंगरीग अपांग भगवान, ईंग आमिंग धनियाबादतना। आम नाःआ कताकून, कनहूनदारकू अरू सुदीदारकू अतेम ओकोतेरा अरू लइंकू इया होड़कू एचेरेम उदुःकेरा।

लूका 10:21

हनमेला ईसू भगवानराः सुद बिरुवाते पेरेगनेनखन बहालतेय कताया, “ने ईंगरीग अपांग भगवान सेरमो देस अरू चउंदीसरीग मालिक, आमिंग धनियाबादतना। नाःआ कता मुरुक कनहूनदार होड़कू अरू सुदी होड़कू अतेम ओकोतेरा अरू लइंकू इया होड़कू एचेरेम उदुःकेरा। हाव, ने अपांग भगवान, नाःआ अनमराः नपाय मरंगाः हिछा इया इदाना।”

मूक चेलाकू 22:21

मनदो परबू ईसू ईंग एचेरेय कताया, दूमे, ईंग आम बेगर एहूदाकू एचेरेयिंग वारमेतना, माःआन।”

मूक चेलाकू 28:2

हंडाकुःआ होड़कू अले सुदा अले मेरले ओंगोलगाड हना इया नपायतेकू मयावातेडलेःआ। हनमेला मुरुक ररंग दोहोना अरू दाः उयुःआ। हनालगा हँकू सेंगेलकू जगारतेडखन अले जमाकूकू नेत-नेवारतेरा।

मूक चेलाकू 28:4

हंडाकुःआ होड़कू बींग पउलूसराः तिःईरे वकातोकू ञेलतिरिया दो अँननकू अँकू कता होड़ेंगा, “नाँयग होड़ दो ञेड एएंडा होड़ हवे। नाँय समुंदर अते बनसाव उडुंगकियान अते हों फड़ियावदार देबी जीयत ओरोय दोहो ओवातिरिया।”

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

रूमी 1:22

हँकू अँननकू अँकू कनहूनदारकू ओंगलुःतना, मनदो हँकू बुयांगयना।

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

रूमी 12:16

अपे जमा होड़कू सुदा हेल-मेलरेपे दोहोन। अपे अँननपे अपे कनहूनदारकू ओंगोलकियानखन अलोपे बड़वार, मनदो लचार होड़कू सुदा मिनीरेपे ननायगुः।

रूमी 13:8

अपे तोनोंगीग होड़राः कहिसाः गोःकेडखन रिनहादार अलोपे बड़ाँः। मनदो अपे एटाः होड़कू अलार-दुलारकू लगा एकला रिनहादारकू इयापे दोहोन। एटाः होड़कूय अलार-दुलारता हाँयग होड़, भगवानराः जमा नियमकूने मनाःता।

रूमी 16:19

मनदो अपे बदीरे जमा होड़कू सुसुदीतना, हँकू भगवानराः कताकूनकू मनाःता, माःआन। हनालगा ईंग अपे बदीरे मुरुक बहालरे इदानिंगा। मनदो अपे बदीरे नाःआ इयायिंग चहाःतना, अपे नपाय कता बदीरे कनहूनदारकू अरू बेलूर कता बदीरे बेगर गारबार होड़कूपे बड़ाँव जुवाः।

रूमी 8:12

दो ईंगरिकुःआ अजी बोपोहकूतिंग, अपे कसूर लूर-नेवनाः ओंगोलकून इया सलाः लगा कोनोवानेःआ।

1 कुरिंती 14:11

हनालगा ईंग तोनोंगीगराः भासी मेरिंग बुझाः दो ईंग हाँय लगा अनबुझ होड़ इदानिंगा, अरू ईंग लगा हों हाँय अनबुझ होड़े होया जुवाःता।

1 कुरिंती 14:16

अनबुझ होड़कू अपेराः बड़रा मेरकू बुझाव अवेनता। हनालगा अपे अनबुझ भासीते भगवानपे जाग दो एटाः होड़कू करा इया आमीन माःआनकू कताय?

1 कुरिंती 2:13

अरू ननानाः कता बदीरेले चेडपेता, अरू नाःआ चेड, होड़कूराः कनहून इया कोवानेःआ, मनदो सुद बिरुवातेले चेडकिया। अले सुद बिरुवा पवावतो होड़कू एचेरे सुद बिरुवाराः दहिन बदीरेले कता उदुःगेता।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

2 कुरिंती 10:12

अँननकू भल-भलायगुःता हँकुःआ होड़कू सुदा अले एचे गँड़ाः लगा सहे एचे अउल-तउलगुः लगा मेरले चहाःता। हँकुःआ होड़कू अँननकू अँकू अउल-तउल होड़ेंगतान अते हँकू बुयांगकू बड़ाँव जुवाःता।

2 कुरिंती 11:19

अले मुरुक कनहूनदार इदानलेःआ, माःआनपे उंगलुःता। हनालगा अपे बुयांग होड़कूपे सहावगोडता।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

2 तिमुतियूस 2:10

भगवानरिकुःआ सुनावतो होड़कू लगा जमा इयाःआ कटसिया सहाव लगा सपड़ावतो इदानिंगा, जेमहा ईसू मसी हँकुःआ होड़कूय सडाव अरू सगर सइट मान मरजइतते भगवान सुदाकू दोहो अवेन।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।