उदुःतो कताकून 9:15 - Korwa Bible

¹⁵ दो ननानाः बेला अरू दिन अरू महिना अरू बरिस लगा सपड़ाव दोहोतेडकुःआ हँकुःआ बराहीलकूय अड़ाःगोतेड। दो नुँहू हँकू पेय बंटारे मी बंटा चउंदीसरिकुःआ होड़कू ञेड गोएगकू लगाय अड़ाःगोतेडकुःआ।

उदुःतो कताकून 9:15 ပူးပေါင်းရင်းမြစ်များ

उदुःतो कताकून 20:7

दो मी हजार बरिस पुराव जुवाः दो, सींगतो अते कलउ गीगगोडेयता,

उदुःतो कताकून 8:10

हनते पेय नमारीग बराहील अनँयग मरंग सोहनाईए ओंगतेरा दो, मुरी इया सलगाःआ हना मीटोंग मरंग इपील सेरमो अते लोजोरयान। हना इपील नईकून अरू दाः सूतीकूनराः पेय बंटाराः मी बंटारे लोजोरयान।

उदुःतो कताकून 8:7

मड़ंगीग बराहील अनँयग सोहनाईए ओंगतेरा दो, बलंगीते मेसात अरील अरू सेंगेल, दाः झड़ियाव उयुःता इया ओतरे लोजोरनेना। हनमेला ओत अरू सींग दूबकून अरू जमा हड़ियड़ बीरकून पेय बंटारे मेमेड बंटा लो एंडायान।

उदुःतो कताकून 8:8

हनते बार नमारीग बराहील अनँयग मरंग सोहनाईए ओंगतेरा दो, मीटोंग सलगावतो मरंग पहाड़ इयाःआ तोनोंगाः जिनिस, समुंदररे लोजोरयान।

उदुःतो कताकून 8:9

हनमेला समुंदरराः दाः पेय बंटारे मी बंटा बलंगीयान, अरू समुंदररिकुःआ जिया-जउतकू पेय बंटारे मी बंटाकू गोएगयान, अरू जहाजकून पेय बंटारे मी बंटाकून लाय एंडायान।

उदुःतो कताकून 9:10

हँकूराः चड़रोम चिडिंगकूराः इया सुइ-सुइ दोहोना। अरू पाँच महिना वरी होड़कूके कटसिया एमे लगा हँकू एचेरे जंगर दोहोना।

उदुःतो कताकून 9:18

सेंगेल अरू सोकोल अरू लेटे दिरिराः गुंडाराः पेयगोटोंग हइजा हँकूराः आहते उडुंगनेनखन चउंदीसरिकुःआ पेय बंटारे मी बंटा होड़कू गोएग एंडागोतेडकू।

उदुःतो कताकून 9:5

हँकुःआ होड़कू गोएग एंडाकू लगा कोवान, मनदो पाँच महिना वरी मुनुरुक कटसिया एमेवाकू लगा पंपाकू हातपाते ओवाडकुःआ। अरू हँकुःआ होड़कूराः कटसिया, लगड़ा चिडिंगराः दघात इया दोहोना।