उदुःतो कताकून 7:2 - Korwa Bible

² हँकुःआ बराहीलकू ओत अरू समुंदर लायगे लगा हातपातकू पवावनेना। हनते अरू मीटोंग बराहील पुरुब अगीते सेरमो अगी सेनतो ईंग ञेलतिरिया। हाँय जीयत भगवानराः मोहरे साबकातेरा। हाँय ओत अरू समुंदर लायगे लगा हातपातकू पवावकिया हँकुःआ चइरगोटोंग बराहीलकू एचेरे मुरुक सटी खिररीनेनखने कतातेरा,

उदुःतो कताकून 7:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:16

दो सिमोन पतरस कता कुदातेरा, “आम मसी हवे, जीयत इदानिया हाँयग भगवानरीग बेटात हवे।”

मती ओजाःतेरा भगवानराः नपाय सरवन 26:63

मनदो ईसू कलेकाले दोहोना। मूक पुजउरी अरूय कतातेरा, “जीयत भगवानराः किरिया जोमकेडखन आम एचेरेयिंग हुकुमगेतना, आम भगवानरीग बेटात मसी अनम हवे जा?”

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

2 कुरिंती 1:22

हाँय अबू अनँयगरिकुःआ हवे माःआन मीटोंग चिनहा इया अनँयगराः मोहोर लगावकेडखन अबूराः इंदरीरे सुद बिरुवा बयान इयाय एमेवाडबुःआ।

इपीसी 1:13

अपे सडावता हना नपाय सरवनराः सताय कता अपे हों अयूमकेडखनपे बिसवासकेरा अरू हनमेला भगवान जबानतेरा हाँयग सुद बिरुवा अपे जीवरे मीटोंग मोहोर इया लगावतेडखन ईसू मसीते आँयगरिकुःआ निकता होड़कूय बड़ाँवकेडपेःआ।

इपीसी 4:30

सुद बिरुवाराः चिनहाते टुटीगगुःराः दिन भगवान अपे जमालेःआतेय सडावपेता। दो सुद बिरुवा अहापे एचे अदरुजीगे।

1 तिसलूनिका 1:9

हँकू अँननकू कतायतना, पउलूस अरू सउंगताकूतेन हँकू एचेरेकू सेनेड मेला, हँकू नपायतेकू नेत-नेवारतेडकुःआ, माःआन। हँकू अले एचेरे अपे बदीरे नाःआ होंकू कता उदुःगेता, हँकूराः जीव बदलावयना अरू जीव मेर दोहोनता हना मुरतीकून अड़ाःकेडखन जीयत अरू सताय भगवानकू मनवेयतना,

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

इबरानी 12:22

मनदो अपे नुँहू सीयोन पहाड़रे अरू जीयत भगवानराः सहर, सेरमो देसराः एरुसलेमरेपे सोदोरकिया।

उदुःतो कताकून 1:3

नाःआ जमाकून होयाःराः बेला निचकाःतना। हनालगा नाःआ कागदरे ओजाःतो सरवने बछाःता, अरू अयूमकेडखन तिंगीड घड़ीने मनावगोड ञवनता, हाँयग होड़राः जीव-जहन भगवान नपायगेयता।

उदुःतो कताकून 10:1

हनते अरू एटाःयीग जंगरदार सेरमो देसरीग बराहील बदरी ओयोनेनखन सेरमो देस अते उतराःतो ईंग ञेलतिरिया। हाँयराः बोःरे टुंडी बींग दोहोना। हाँयराः सुरइत बेर इया अरू हाँयराः काट सेंगेलराः खुंटा इया दोहोना।

उदुःतो कताकून 10:4

सात तुरहा बदरी हदूड़ उरियावनेन दो, ईंग ओजाःगे लगा दोहोना। मनदो सेरमो अते मीटोंग अरोयिंग अयूमतेरा, “सात तुरहा हदूड़तो कताकेरा, हना अहम ओजाःगे, मनदो अनम जीवरेम दोहोय।”

उदुःतो कताकून 16:12

हनते छो नमारीग सेरमो देसरीग बराहील अनँयगराः डुभा, मरंग फरात नईरेय दूलगोतेड। दो हना नईराः दाः अंजेडयान, जेमहा पुरुब देसरिकुःआ राजाकू लगा दूर बड़ाँव जुवाः।

उदुःतो कताकून 5:2

हनते ईंग सेरमो देसरीग मी होड़ जंगरदार बराहीलिंग ञेलतेरा। हाँय मुरुक सटी खिररी घड़ीने कतातेरा, “नाःआ कागद अरू मोहर लड़ा जुकूर तोनोंगीग इदानिया जा?”

उदुःतो कताकून 8:3

भगवानराः गदी मड़ंगरे मीटोंग धाम दोहोना। अरू एटाःयीग, सेरमो देसरीग बराहील सकलाकू सोलोंगता हना सोनाराः डुबहा साबतेडखन धाम कुटीरेय चड़ाँयान। अरू हना गदी मड़ंगराः सोनाराः धामरे भगवानरिकुःआ सुद होड़कूराः अरजी सुदा देगगे लगा हाँयग बराहील मुरुक सकलाय पवावनेना।

उदुःतो कताकून 9:14

मरंग सोहनाई साबतो छो नमारीग बराहील हना अरोय अयूमतेरा, “मरंग पुरात नई धरीरे तोलतो इदानकुःआ हँकुःआ चइरगोटोंग बराहीलकूम अड़ाःगोड।”

उदुःतो कताकून 9:4

हँकुःआ पंपाकूय कतावाड, “अपे चउंदीसराः बीर सहे हड़ियड़ बुदाकून सहे सींग दूबकून तोनोंगाः अलोपे हनीगे, मनदो समांगरे भगवानराः मोहर लगावतो कोवानेःआ हँननकुःआ होड़कू एकलापे हनीकू।”