उदुःतो कताकून 6:1 - Korwa Bible

¹ हनते हाँयग भेड़ा होन सातगोटोंग मोहर अते मीटोंग मोहरे उउघाड़ाःआ हनायिंग ञेलतेरा। हनते मीटोंग अरोयिंग अयूमतेरा। चइरगोटोंग जिनियत जीव-जंतूकू अते मीटोंग जीव-जंतू ठेड़ररे इयाःआ अरोते मुरुक सटीतेय कतातेरा, “दूमे।”

उदुःतो कताकून 6:1 ပူးပေါင်းရင်းမြစ်များ

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

मूक चेलाकू 4:20

अलिंग ञेलकेरा अरूलिंग अयूमकेरा हना कता बदीरे अलिंग कलेकाल ओरोलिंग दोहोनेना।”

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

उदुःतो कताकून 14:2

हनते ईंग सेरमो देस अते मीटोंग अरोयिंग अयूमतेरा। हना अरो दाः तूःता हना अरो इया होदो होदो विरीना अरू बदरीराः मुरुक सटी हदूड़ इया दोहोना। ईंग अयूमतेरा हना अरो तंबुरराराः अरो इया गुंगूर गुंगूर विरीना।

उदुःतो कताकून 19:6

हनते ईंग मुरुक बगरा होड़कूराः अरोयिंग अयूमतेरा। हना अरो दाः हचकाःता इया अरू बदरीराः मुरुक सटी हदूड़ इया दोहोना। हँकू सेरेंगा, “हालेलुयाह, अबूरीग परबू भगवान अगम जंगरदार इदानिया, अरू हाँय राइजगेतना।

उदुःतो कताकून 4:8

चइरो जीव-जंतूकूराः छो छोगोटोंग पंकी दोहोना, अरू हँकूराः जमा देह दगलीरे, भितरी अरू बहरी, मेनेड मेड दोहोना। हँकू बेगर लोड़ोनते दिन रइत कता ञवना, “सुद इदानिया, सुद इदानिया, परबू भगवान सुद इदानिया, अगम जंगरदार भाबी भगवान, हाँय दोहोना, अरू नुँहू इदानिया, अरू कुदा वेग लगा इदानिया।”

उदुःतो कताकून 5:1

हनते गदीरे दुड़ुःतोय दोहोना हाँयग भगवानराः खउना तिःईरे मीटोंग कोंडोड़तो कागदिंग ञेलतेरा। हना कागदराः बनर परोमरे ओजाःतो दोहोना। अरू हना कागदरे सात ततररे मोहर लगावतेडखन तोलतो दोहोना।

उदुःतो कताकून 5:12

अरू हँकू मुरुक सटीतेकू सेरेंगा, “ने ञेड गोएगतो भेड़ा होन आम जंगर अरू आन-धान, कनहून अरू सवांग, मान मरजइत अरू जाग, अरू धनियाबाद पवाः जुकूर इदानमेःआ।”

उदुःतो कताकून 5:8

हाँय हना कागदे गोःयाड दो, हँकुःआ चइरो जीव-जंतूकू अरू चूबीसगोटोंग मूक होड़कू हाँयग भेड़ा होन मड़ंगरेकू तबेरयान। हँकू जमाकू एचेरे मेमेडटोंग तंबुररा अरू सकला पेरेगतो सोनाराः डुबहा दोहोना। (हना सकला भगवानरिकुःआ सुद होड़कूराः अरजी हवे।)

उदुःतो कताकून 6:3

बार नमारराः मोहर भेड़ा होन उघाड़तेड दो, मीटोंग एटाःयीग जीव-जंतू कतातिंग अयूमतेरा, “दूमे।”

उदुःतो कताकून 6:5

हनते भेड़ा होन पेय नमारराः मोहरे उघाड़तेरा दो, अरू एटाः जीव-जंतू कतातेड, “दूमे।” हनते ईंग मीटोंग कड़िया घोड़ा वेगतोयिंग ञेलतेरा। हाँयग घोड़ा सेरमो, मी होड़ होड़ दुड़ुःकुःआ अरू हाँय तिःईरे किलो-पलहरा दोहोना।

उदुःतो कताकून 6:7

हनते भेड़ा होन चइर नमारराः मोहरे उघाड़तेरा दो, अरू एटाः जीव-जंतूराः अरो ईंग अयूमतेरा, “दूमे।”

उदुःतो कताकून 8:1

भेड़ा होन सात नमार मोहरे उघाड़तेड दो सेरमो देसरे आधा घंटा वरी कहिसाः अरो मेर अयूमगान।