उदुःतो कताकून 4:7 - Korwa Bible

⁷ मीटोंग कूल इयाय दोहोना, अरू मीटोंग बएल इयाय दोहोना, अरू मीटोंगराः सुरइत मनुवा इया दोहोना, अरू मीटोंग दोन ञवनताय हाँयग कुड़ीड इयाय दोहोना।

उदुःतो कताकून 4:7 ပူးပေါင်းရင်းမြစ်များ

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

उदुःतो कताकून 4:6

अरू हना गदीराः मड़ंगरे काँचराः समुंदर इया तोनोंगाः दोहोना। हना समुंदर इसपटिक दिरि इया, ञेल पुरुःता हना इया दोहोना। अरू तलारे दोहोना हना गदीराः चइरो गतर चइरगोटोंग जीव-जंतूकू दोहोना। हँकूराः मड़ंग अगी अरू तयोम अगी मेनेड मेड दोहोना।

उदुःतो कताकून 6:3

बार नमारराः मोहर भेड़ा होन उघाड़तेड दो, मीटोंग एटाःयीग जीव-जंतू कतातिंग अयूमतेरा, “दूमे।”

उदुःतो कताकून 6:5

हनते भेड़ा होन पेय नमारराः मोहरे उघाड़तेरा दो, अरू एटाः जीव-जंतू कतातेड, “दूमे।” हनते ईंग मीटोंग कड़िया घोड़ा वेगतोयिंग ञेलतेरा। हाँयग घोड़ा सेरमो, मी होड़ होड़ दुड़ुःकुःआ अरू हाँय तिःईरे किलो-पलहरा दोहोना।

उदुःतो कताकून 6:7

हनते भेड़ा होन चइर नमारराः मोहरे उघाड़तेरा दो, अरू एटाः जीव-जंतूराः अरो ईंग अयूमतेरा, “दूमे।”