उदुःतो कताकून 4:10 - Korwa Bible

¹⁰ हनमेला गदीरेकू दुड़ुःता, हँकुःआ मी कुड़ी चइरगोटोंग मूक होड़कू, हँकू, सगर सइट लगा जिनियत इदानिया हाँय मड़ंगरे, अँननकूराः पगरीकू मंडावकेरा अरू तबेरकेडखनकू जागगेयता,

उदुःतो कताकून 4:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 2:11

हनते हँकू ओड़ाःरेकू बोलोयान अरू हाँयग लँइग, एंगात मरियम सुदाकू ञेलतिरिया अरू हँकू ईसू मड़ंगरे उकुड़ोमनेनखनकू सलामतिरिया। हनते हँकू बकसाकून गीगतेडखन सोना, लसा अरू गंदरस हाँय लगाकू दहिनतेरा।

लूका 24:52

दो हँकू हाँय जागतेडखन एरुसलेम अगी मुरुक बहालतेकू कुदा वेगयान।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

उदुःतो कताकून 10:6

सगर सइट लगा जीयत इदानिया हाँयग भगवान, सेरमो, अरू ओत अरू समुंदर अरू जमा जिया-जउतकूने तुलाकेरा। हाँयग भगवानराः ञावते किरिया कसट जोमकेडखने कतातेरा, “नुँहू अरू ओरो कुबेरनेना।

उदुःतो कताकून 11:16

हनते चूबीसगोटोंग मूक होड़कू भगवानराः मड़ंगरे अँननकू गदीरेकू दुड़ुःकुःआ, हँकू होरोनेनखन भगवानकू जागा।

उदुःतो कताकून 15:4

ने परबू, इये आम सुदा ओरोय बोरोनेना, अरू आमराः ञाव इये ओरोय जागतेरा? अनम एकला सुद इदानमेःआ। आमराः जमा नपाय बुता होड़कू सुदीगोतेरा, हनालगा जमा जइत होड़कू वेगकियानखन आमकू जागता।”

उदुःतो कताकून 15:7

हनते चइरो जीव-जंतूकू अते मीटोंग जीव-जंतू हँकुःआ सातो बराहीलकू एचेरे मेमेडटोंग मेमेडटोंग सोनाराः डुभाय एमेवातेडकुःआ। सगर सइट वरी दोहोनता हाँयग भगवानराः रीस हना डुभाकूनरे पेरेगतो दोहोना।

उदुःतो कताकून 19:4

हना तयोमरे मी कुड़ी चइर गोटोंग मूक होड़कू अरू चइरो जीव-जंतूकू, गदीरे दुड़ुःतोय दोहोना हाँयग भगवान मड़ंगरे होरोकियानखनकू जागतिरिया। हँकू कतातेरा, “आमीन! हालेलुयाह!”

उदुःतो कताकून 4:2

हिनिन बितिकरे ईंग सुद बिरुवातेयिंग पेरेगयान, अरू सेरमो देसरे मीटोंग गदी अरू हना गदीरे मी होड़ दुड़ुःतोयिंग ञेलतिरिया।

उदुःतो कताकून 4:4

हाँयराः गदीराः चइरो गतर चूबीसगोटोंग गदीकून दोहोना। अरू हना गदीकूनरे मी कुड़ी चइरगोटोंग मूक होड़कू उजड़ सोनहे अरू सोनाराः पगरी तुसिंगकेडखन दुड़ुःतोकू दोहोना।

उदुःतो कताकून 4:9

तलाराः गदीरेय दुड़ुःकिया हाँय सगर सइट लगा जिनियते दोहोनता। दो हँकू जीव-जंतूकू हाँयकू जागता, अरूकू मान मरजइतगेयता अरूकू धनियाबादगेयता,

उदुःतो कताकून 5:14

हनते चइरो जीव-जंतूकू कतातेरा, “आमीन”, अरू हँकुःआ मूक होड़कू तबेरनेनखन हँकिनकू जागतेरा।

उदुःतो कताकून 5:8

हाँय हना कागदे गोःयाड दो, हँकुःआ चइरो जीव-जंतूकू अरू चूबीसगोटोंग मूक होड़कू हाँयग भेड़ा होन मड़ंगरेकू तबेरयान। हँकू जमाकू एचेरे मेमेडटोंग तंबुररा अरू सकला पेरेगतो सोनाराः डुबहा दोहोना। (हना सकला भगवानरिकुःआ सुद होड़कूराः अरजी हवे।)

उदुःतो कताकून 7:11

अरू सेरमो देसरिकुःआ जमा बराहीलकू गदीराः अरू मूक होड़कूराः अरू चइरगोटोंग जीव-जंतूकूराः चइरो गतरकू चड़ाँकिया। हनते हँकू गदी मड़ंगरे तबेरकियानखन भगवान जाग घड़ीनकू