उदुःतो कताकून 3:5 - Korwa Bible

⁵ जितावबाः जुवाःता हाँयग होड़, हँकुःआ होड़कू इया उजड़ सोनहेयिंग तुसिंगगेयता, अरू हाँयराः ञाव जीवराः कागद अते कहियो ओरोयिंग कटावतेरा। ईंग ईंगरीग अपांग भगवान अरू हाँयरिकुःआ बराहीलकू मड़ंगरेयिंग कबुलाःता, नाँय ईंगरीग होड़ हवे, माःआन।

उदुःतो कताकून 3:5 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:32

हनते ईसू अरूय कताया, “अपे ईंगपे अयूम! तोनोंगीग होड़, होड़कू मड़ंगरे ईंगे मान मरजइत दो, ईंग हों सेरमो देसरीग अपांग भगवान मड़ंगरे हाँयग होड़िंग मान मरजइतगेयता।

लूका 10:20

भूतकू अपेराः हुकुमरेकू ञीर जुवाःता, मनदो हना कतारे अपे अलोपे बहालगुः। अपेराः ञाव सेरमो देसराः कागदरे ओजाःतो इदा, हना कतारेपे बहालगुः।”

लूका 12:8

हनते ईसू कताया, “ईंग बड़रापे अयूम। तोनोंगीग होड़ एटाःकू मड़ंगरे ईंगे मान मरजइतता दो मनुवारीग बेटात हों भगवानरिकुःआ सेरमो देसरिकुःआ बराहीलकू मड़ंगरे हाँये मान मरजइतता।

पिलिपी 4:3

ने सुजगे, आम ईंगरीग बिसवासगेयीग सेवा देंगवा होड़ हवे। नँकिनाः अइमीकिन, कलमेस अरू एटाः सेवा देंगवा होड़कू अरू ईंग सुदा, नपाय सरवन कता उदुःगे लगा मुरुककिन सेसा-दुराकिया। अरू नँकुःआ जमा होड़कूराः ञाव, जीवराः कागदरे भगवान ओजाःकेरा। हनालगा ने सुजगे, आम नँकिनाः अइमीकिन सलसतरेकिन दोहोन लगाम संघरावाकिन।

जूदा 1:24

अपे कसूरगे अतेय बनसाव अवेपेता अरू बेगर गारबार अरू मुरुक बहालते अनँयग मान मरजइतगेःआ मड़ंगरेय एचे चड़ाँ अवेपेता

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।

उदुःतो कताकून 19:8

सफा अरू फिटीक सान सोनहे तुसिंग लगा कनिया पवावनेना।” अरू हना सफा अरू फिटीक सान सोनहे भगवानरिकुःआ सुद होड़कूराः नपाय बुता हवे।

उदुःतो कताकून 2:11

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, बार तुरहा गुजुःते हाँयराः तोनोंगाः हनी ओरो होयानेना।”

उदुःतो कताकून 2:7

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़, भगवानराः बगइचारे इदा हना जीवराः सींग अते जोःओ जोम लगा हातपातिंग एमेवायता।”

उदुःतो कताकून 20:12

जमा गोएगतो होड़कू हना गदी मड़ंगरे चड़ाँतिंग ञेलतेडकुःआ। हुडिंगीग अरू मरंगीग, जमाकू हंडाकू दोहोना। बराहीलकू मुरुक बगरा कागदकूनकू पितोरतेरा। हनते जीवराः कागद होंकू पितोरतेरा। हना कागदकूनरे गोएगतो होड़कूराः बुताकून ओजाःतो दोहोना। अरू हनानाः बुता इया भगवान हँकूय फड़ियावतेरा।

उदुःतो कताकून 20:15

अरू तोनोंगीग होड़राः ञाव जीवराः कागदरे ओजाःतो मेर दोहोगान, हँकुःआ होड़कू सेंगेलराः हुडिंग समुंदररेकू रेमगे बोलोगोतेडकू।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।

उदुःतो कताकून 22:19

अरू तोनोंगीग नाःआ कागद अते भगवानराः कतत सरवने चलाःगोड दो, नाःआ कागदरे ओजाःतो इदा हना सुद सहर अरू जीवराः सींगराः इताड भगवान ओरोय ओवातिरिया।

उदुःतो कताकून 3:12

जितावबाः जुवाः हाँयग होड़ ईंग भगवानराः ओड़ाःराः मीटोंग खुंटायिंग बड़ाँवगेयता, अरू हाँय हना ओड़ाः अड़ाःकेडखन कहियो ओरोय सेनेडा। ईंग ईंगरीग भगवानराः ञाव हाँय इंदरीरेयिंग ओजाःगेता। अरू हाँय इंदरीरे भगवानराः सहरराः ञाव होयिंग ओजाःगेता। हना सहरराः ञाव, नँवा एरुसलेम हवे अरू हन ईंगरीग भगवान अगीते सेरमो देस अते उतराव वेगता। अरू ईंगराः नँवा ञाव हाँय चोटरेयिंग ओजाःगेता।

उदुःतो कताकून 3:4

मनदो अपे अते अदोम होड़कू अँनकूराः सोनहे कसूरते मेरकू मइलागरा। हँकू ईंग जुकूर इदानकुःआ। हननलगा हँकू उजड़ सोनहे तुसिंगकेडखन ईंग सुदाकू दँड़ाता।

उदुःतो कताकून 6:11

हनते हँकू जमाकू तुसिंगे लगा मेमेडटोंग मेमेडटोंग काट वरीःआ झोलोंग उजड़ सोनहे भगवान एमेवातेडकुःआ। अरू हँकूय कतावाड, “ईंगरिकुःआ सेवकियाकू अरू अपेरिकुःआ बिसवासी वपक बोपोहकूतापे अँननपे इयाकू ञेड एंडाकूता। हँकू जमाकू अरीनकू ञेड एंडाकू वरी अपे मी घड़ी अरूपे लोड़ोन।”