उदुःतो कताकून 22:4 - Korwa Bible

⁴ हँकू भगवानराः मुरइतकू ञेलता अरू हाँयराः ञाव हँकूराः समांगरे ओजाःतो दोहोनता।

उदुःतो कताकून 22:4 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:8

इंदरी सुद इदा, हँकुःआ होड़कूराः जीव भगवान भलावाडखने नपायगेयता, अरू हँकुःआ होड़कू भगवानकू ञेल अवेता।

एहुना 12:26

तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

1 कुरिंती 13:12

नुँहू अबू अइनारे उंबूलताबू ञेलता हना इया कोयोल कोयोलबू ञेञेलतना। मनदो हनमेला अबू मुहा-मुहीबू ञेलता। नुँहू ईंग एचेरे गुनुनमिन कनहून इदा। मनदो भगवान ईंग बदीरे उडु-बुडूय सुदीकेरा हनन इया हनमेला ईंग हों उडु-बुडूयिंग सुदीगोडता।

इबरानी 12:14

जमा होड़कू सुदा हेल-मेलपे दोहोन लगा अरू सुद जीव जियाः लगा जमालेःआपे कुरनिसगोड ञवन। सुद जीव मेरकू जियाःता हँकुःआ होड़कू भगवान कहियो ओरोकू ञेल अवेतिरिया।

उदुःतो कताकून 14:1

हनते ईंग भेड़ा होन सीयोन पहाड़रे चड़ाँतिंग ञेलतिरिया। अरू हाँय सुदा मी लाक चउवालीस हजार होड़कू दोहोना। हँकुःआ होड़कूराः समांगरे हाँयराः ञाव अरू आँयगरीग अपातराः ञाव ओजाःतो दोहोना।

उदुःतो कताकून 3:12

जितावबाः जुवाः हाँयग होड़ ईंग भगवानराः ओड़ाःराः मीटोंग खुंटायिंग बड़ाँवगेयता, अरू हाँय हना ओड़ाः अड़ाःकेडखन कहियो ओरोय सेनेडा। ईंग ईंगरीग भगवानराः ञाव हाँय इंदरीरेयिंग ओजाःगेता। अरू हाँय इंदरीरे भगवानराः सहरराः ञाव होयिंग ओजाःगेता। हना सहरराः ञाव, नँवा एरुसलेम हवे अरू हन ईंगरीग भगवान अगीते सेरमो देस अते उतराव वेगता। अरू ईंगराः नँवा ञाव हाँय चोटरेयिंग ओजाःगेता।

उदुःतो कताकून 7:3

“अबूरीग भगवानरिकुःआ सेवकियाकूराः समांगरे मोहर अरीनबू लगावगे वरी, ओत अरू समुंदर अरू सींगकून अहापे लायगे।”