उदुःतो कताकून 22:14 - Korwa Bible

¹⁴ अँनकूराः सोनहेकू बुहाल अमिंगेता हँकुःआ होड़कूराः जीव भगवान नपायगेता। हँकू हना सहरराः हता दुवारतेकू बोलो अवेनता अरू हँकू जीव एमेता हना सींगराः जोःओ जोम लगाकू पवाःता।

उदुःतो कताकून 22:14 ပူးပေါင်းရင်းမြစ်များ

एहुना 10:7

हनालगा ईसू हँकू एचेरे अरूय कताया, “अपे ईंगपे अयूम! भेड़ाकू बोल लगा दुवार ईंग हवे।

एहुना 10:9

भेड़ाकूराः गुदड़ीराः दुवार इनिंग हवे अरू तोनोंगीग ईंगते हंडाय बोलता, हाँय बनसाव जुवाःताय। हाँय बेगर बोरते बोल उडुंगगुः घड़ीने सराःता।

एहुना 14:15

अपे ईंगपे अलार-दुलारता दो, ईंगराः हुकुमपे मनाःता।

एहुना 14:6

दो ईसू कतातेड, “दूर, सताय अरू जीव इनिंग हवे। ईंग अड़ाःकेडखन ईंग अपांग भगवान एचेरे तोनोंगीग ओरोय सेने अवेनेना।

एहुना 4:12

दो आम अबूरीग खुटिपरिया होड़ एकूब अते हों मरंग इदानमेःआ जा? हाँय अरू आँयगरिकुःआ बेटाकू अरू असूलतो जानरकू हों नाःआ इंदोरा अतेकू ञूतेरा अरू अले लगा नाःआ इंदोराय जिमाकेरा।”

1 कुरिंती 7:19

खतनान सहे मेरेय खतनान, बनरते तोनोंगाः मतलोब कोवानेःआ। मनदो भगवानराः हुकुम मनानाः मइद हवे।

1 कुरिंती 8:9

अपे जमालेःआ अँननपेराः ओंगोल इयापे एचे अवेयता। मनदो अबड़ जीव होड़कू एचे कसूरकू अते सवासितीपे दोहोन।

1 कुरिंती 9:5

पतरस अरू ईसूरिकुःआ एटाः मूक चेलाकू अरू ईसूरीग बोहोत, हँकू अँननकूरिकुःआ एपेराकू सुदा ईसूराः नपाय सरवनकू कता उदुःता। दो हँकू इया अलिंग हों ओरोलिंग एचे अवेतेरा जा?

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

1 एहुना 3:3

तोनोंगीग होड़ ईसू मसी इया होयाः लगाय असराता दो, ईसू मसी सुद इदानिया हनन इया, हाँयग होड़ अनँयग आँयग सुदगुः लगा इदा।

1 एहुना 5:3

अबू सतायरे भगवानबू दुलारता दो हाँय कताकेरा हना जमाकूनबू एचेगोड ञवनता। अरू हाँयराः हुकुमकून अबू लगा बोझा इया कोवानेःआ।

उदुःतो कताकून 2:7

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़, भगवानराः बगइचारे इदा हना जीवराः सींग अते जोःओ जोम लगा हातपातिंग एमेवायता।”

उदुःतो कताकून 21:12

हना सहर लगा मीटोंग मुरुक उसूल अरू सकड़ हता दोहोना। हना हतारे बारहगोटोंग सकड़ सकड़ दुवार दोहोना। अरू हना दुवारकूनरे मेमेडगोटोंग बराहीलकू अगुरा लगाकू दोहोना। अरू हना दुवारकूनरे इसराएल होड़कूराः बारहगोटोंग गोतोरराः ञाव ओजाःतो दोहोना।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।

उदुःतो कताकून 22:2

अरू हना नई, सहरराः मइद सनंडक तलाते तुःआ। अरू हना नईराः बनर परोम जीवराः सींग दोहोना। हना सींगरे बारह बरानाः जोःओ जोनेना। अरू हना सींग बारहो महिना मेमेडटोंग जोःओ जोःता। हना सींगराः सकमकून जमा जइत होड़कू अँकूराः हसूकूनते नपाय जुवाः लगा इदा।

उदुःतो कताकून 22:7

दो ईसू कतातेरा, “अपे ईंगपे अयूम! ईंग हनालियिंग कुदा वेगता। नाःआ कागदरे ओजाःतो इदा हना जमा कतत सरवनकू मनाःता हँकुःआ होड़कू भगवान नपायकूता।”

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”