उदुःतो कताकून 21:8 - Korwa Bible

⁸ मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 21:8 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:28

अपेराः देहकू ञेड एंडाता, मनदो अपेराः बिरुवा ओरोकू गोएग अवेतेरा हँकुःआ होड़कू सुदा अलोपे बोर। मनदो अपेराः बिरुवा अरू देह दगलीकून नरगरेय लाय एंडा अवेता हनाँयपे बोरोवा।

मती ओजाःतेरा भगवानराः नपाय सरवन 25:25

हनालगा ईंग आमिंग बोरोवातेरा अरू सेनेडखन आमराः रिचकी ढिबुवा ओतरेयिंग ओकोगोतेड। ञेलमे, आमराः जिनिसिंग अगूकेरा। नामे।

मती ओजाःतेरा भगवानराः नपाय सरवन 8:26

दो ईसू हँकू एचेरेय कताया, “ने हुडिंग बिसवास होड़कू। अपे चिला लगापे बोरतना?” हनते हाँय रेमनेनखन गड़रा घटा अरू लहरा रोंकाः लगाय कतातेड अरू होय मधिमयान।

मरकूस 9:44

[नरगरिकुःआ पिलवाकू मेरकू गुजुःता अरू हना सेंगेल मेर इड़ीगगुःता।]

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

2 तिसलूनिका 2:9

हाँयग कसूर रबूद होड़ कलउराः जंगरतेय एचे ञिलुःता अरू जमा बयाव जुवाः इयाःआ चिनहाकूने एचे उदुःता अरू लबरा बुता, सताय बुता इयाय एचे उदुःगोडता।

1 तिमुतियूस 4:2

ओंगोल लोलो लोहाते लो मुरात इया केटेग इदा हँकुःआ लबरा पचघुचिया होड़कू ननन इया होड़कूकू चेडता।

तितूस 1:16

हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

इबरानी 12:24

अरू हाबीलराः बलंगी अते मसीराः मुरुक नाय नपाय इरचीत बलंगी हों हंडा इदा। अरू नँवा कता-जमकावतोरीग बिच-बिचवाई होड़ इदानिया हाँयग ईसू हों हंडा इदानिया।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

1 एहुना 2:22

दो लबरा कता होड़ इये हवे? ईसू, मसी ना लवे माःआने कतायता हनाँयग होड़ हवे लबरा कता होड़। अपांग भगवान अरू आँयग बेटात ईसू मेरकू मनेवाःकिनता हनाँय मसी मुदइ होड़ हवे।

1 एहुना 3:15

अनँयग बिसवासी वपक-बोपोहकूय हिनइस-बिनइसवाता हाँयग होड़, ञेड एएंडा होड़ हवे अरू अबू सुसुदीतना ञेड एएंडा होड़कू ओरो टुटीगनेना हना जीव ओनोरोकू पवावनेना।

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

उदुःतो कताकून 14:10

भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 2:11

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, बार तुरहा गुजुःते हाँयराः तोनोंगाः हनी ओरो होयानेना।”

उदुःतो कताकून 2:2

“अपेराः बुतायिंग सुसुदीता। अपे मिहनइत घड़ीनपे बुताता अरू सहाव घड़ीनपे दोहोनता। अपे बेनेलूर होड़कू मेरपे सहाव अवेकूता। अपे हँकुःआ होड़कू जासतेडकूखन सुदीगोतेडकुःआ, नँकू अडिग होड़कू इदानकुःआ, माःआन। हँकू सतायरे मूक चेलाकू ना लवे, मनदो हँकू अँननकू अँकू कतनता, अले ईसूरिकुःआ मूक चेलाकू हवे, माःआन।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।

उदुःतो कताकून 9:17

ईंग दरसनरे नाःआ इयायिंग ञेलतेरा; घोड़ा सलावदारकू झिलमकू तुसिंगतेरा। हँकूराः झिलमराः रंग सेंगेल इया लाल रंग, अरू दूमराकांत दिरि इया नीला रंग, अरू लेटे दिरि इया पियाड़ रंग दोहोना। हँकुःआ घोड़ाकूराः बोः कूलकूराः बोः इया दोहोना अरू हँकूराः आह अते सेंगेल, सोकोल अरू लेटे दिरिराः गुंडा उडुंगगुःआ।

उदुःतो कताकून 9:21

हँकू होड़कू ञेड गोएग अते, पंगाड़ होड़ेंग अते, सनहा-सनही बुता अते अरू इइनिग बुता अते भगवान अगी अँकूराः जीव मेरकू कुदागाड।