उदुःतो कताकून 2:20 - Korwa Bible

²⁰ हनते हों अपे बदीरे ईंगके मीटोंग बड़रा ककता लगा इदा; इजबील ञावीग अइमी मेरपे हिगार एंडायतना। हाँय ईंगरिकुःआ सेवकिया होड़कू अडिगकेडकूखने कतायता, ईंग भगवानराः बड़रा कतायीग अइमी हवे, माःआन। हाँयराः चेडतोते, मुरतीकून मड़ंगरे मंडावतो जिनिसकून जोम लगा अरू सनहा-सनहीपे एचेय लगा होड़कूय बहकावतना।

उदुःतो कताकून 2:20 ပူးပေါင်းရင်းမြစ်များ

मूक चेलाकू 15:20

मनदो हँकू एचेरे नाःआ कता ओजाः इदीगे लगा इदा। हँकू मुरतीकून मड़ंगरे मंडावतो तोनोंगाः जिनिसकून अहाकू जोम, सनहा-सनहीते तोरेकू दोहोन अरू अइठाव गोएगतो जानरकूराः मास जोजोम लगा कोवानेःआ अरू बलंगी कहियो जोजोम कोवानेःआ।

मूक चेलाकू 15:29

अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम कोवानेःआ अरू सनहा-सनहीते तोनोरे दोहोन लगा इदा। अपे नाःआ जमाकून अते सवासितीपे दोहोन दो नानाः अपे लगा ननपाय दोहोनता। नपायतेपे दोहोन।

1 कुरिंती 10:28

मनदो तोनोंगीग अपे एचेरेय कताय, नाःआ मुरतीराः देगतो मास हवे, माःआन। दो अपे एचेरेय कता उदुःकेरा हाँयग होड़ अते अरू हाँयराः ओंगोल अते अलोपे जोम।

उदुःतो कताकून 2:14

मनदो अपे बदीरे ईंगके तोनोंग तोनोंग बड़रा ककता लगा इदा; अपे अते अदोम होड़कू बिलामराः चेडतोकू मनाःता। हाँयग बिलाम, बालाक राजा एचेरेय कता उदुःवातेरा, इसराएल होड़कूम लहकावगोडकू, जेमहा हँकू मुरतीकून मड़ंगरे मंडावतो जिनिसकूनकू जोम अरू सनहा-सनहीकू एचेय, माःआन।

उदुःतो कताकून 2:4

मनदो अपे बदीरे ईंगके मीटोंग बड़रा ककता लगा इदा; अपे मड़ंगाः दुलारपे अड़ाःकेरा।