उदुःतो कताकून 18:21 - Korwa Bible

²¹ हनते मीटोंग मुरुक जंगरदार बराहील मीटोंग मरंग दिरिय रेमतेरा अरू समुंदरेय तेके बोलोगोतेड। अरू हाँय कतातेड, “ननन इयाःआ जंगरते मरंग सहर बाबील रेमगे एंडानता, अरू हना सहर कहियो ओरो दोहोनेना।

उदुःतो कताकून 18:21 ပူးပေါင်းရင်းမြစ်များ

उदुःतो कताकून 10:1

हनते अरू एटाःयीग जंगरदार सेरमो देसरीग बराहील बदरी ओयोनेनखन सेरमो देस अते उतराःतो ईंग ञेलतिरिया। हाँयराः बोःरे टुंडी बींग दोहोना। हाँयराः सुरइत बेर इया अरू हाँयराः काट सेंगेलराः खुंटा इया दोहोना।

उदुःतो कताकून 12:8

मनदो लाल मरंग बींग अरू आँयगरिकुःआ बेलूर बराहीलकू मेरकू जीताव अवेगान। हनलगा हँकू सेरमो देसरे ओरोकू दोहो अवेनेना।

उदुःतो कताकून 16:20

जमा डुगुकून टगावयान अरू जमा पहाड़कून केड़ेयान।

उदुःतो कताकून 18:10

हाँयराः पीराराः बोरते, हँकुःआ राजाकू हँकू अते मुरुक लंकारे चड़ाँकियानखनकू इयामता, “ओहरे! मरंग सहर, ने पकड़ बांद सहर बाबील, मिनी जूदा डंडपे पवावयान।”

उदुःतो कताकून 18:22

तंबुररा बबजाकू अरू सेरेंगदारकू अरू बसुरी बबजाकू अरू मरंग सोहनाई बबजाकूराः अरो कहियो ओरोकू अयूमतेरा। आम सहररे कड़िगारकू ओरोकू दोहोनेना अरू जंता दड़ी वीरीत कहियो ओरोकू अयूमतेरा।

उदुःतो कताकून 20:11

हनते ईंग मीटोंग मरंग उजड़ गदीयिंग ञेलतेरा। अरू हना गदीरे मी होड़ दुड़ुःतोय दोहोना। ओत अरू सेरमो हाँय मड़ंग अते ञीरयान अरू हना ओको लगा ततेर मेर दोहोगान।

उदुःतो कताकून 5:2

हनते ईंग सेरमो देसरीग मी होड़ जंगरदार बराहीलिंग ञेलतेरा। हाँय मुरुक सटी खिररी घड़ीने कतातेरा, “नाःआ कागद अरू मोहर लड़ा जुकूर तोनोंगीग इदानिया जा?”