उदुःतो कताकून 17:4 - Korwa Bible

⁴ हाँयग अइमी मी होड़ रानी इया धुः-धुमइल अरू लाल सोनहेय सोहेंकातेरा। हाँय सोना अरू मुती अरू मुरुक किमइतराः दिरिकूनराः तुलात सिंगारकूने तुसिंगकातेरा। हाँयराः तिःईरे सोनाराः मीटोंग डुभा दोहोना। हना डुभारे एरंगवाताकू हना जिनिसकून अरू हाँयग अइमीराः बेलूर बुताराः गरदाते पेरेगतो दोहोना।

उदुःतो कताकून 17:4 ပူးပေါင်းရင်းမြစ်များ

उदुःतो कताकून 14:8

हनते बार नमारीग सेरमो देसरीग बराहील हाँय तयोमते वेजेडखने कताया, “लाययना, लाययना। मरंग सहर बाबील लाययान। नाःआ सहर मी होड़ सनही अइमी इया जमा जइत होड़कू अनँयगराः कोसोड़ाय एचे ञूतेडकुःआ अरू बेलूर बुताय एचे बुतातेडकुःआ।”

उदुःतो कताकून 18:12

हना जिनिसकून नाःआ हवे; सोना, चाँदी, मुरुक किमइतराः दिरि, मुती, सान, तिरिकाट सोनहे, लाल सोनहे, धुः-धुमइल सोनहे, नपाय महकराः कठवा, हथी खिसाते तुलात जिनिसकून, मुरुक किमइतराः कठवाते तुलात जिनिसकून, पितड़, लोहा, संगमरमर दिरि,

उदुःतो कताकून 18:16

“ठीकयना, ठीकयना, ने मरंग सहर, अपे सान सोनहेपे तुसिंगतेरा, अरू धुः-धुमइल अरू लाल सोनहे अपे एचेरे दोहोना सोना अरू मुरुक किमइतराः दिरि, अरू मुतीकूनतेपे सिंगारनेना।

उदुःतो कताकून 19:2

आमराः फनड़ियाव नपाय अरू सताय इदा। मरंग सनही अइमी अनँयग सनही बुताते चउंदीसरिकुःआ होड़कूय एचे बेलूरगोतेडा, अरू आमरिकुःआ सेवकियाकूकू ञेड एंडातेरा हनालगा हाँयग मरंग सनही अइमी बाबील सहरमे फड़ियावकेडखन हनाराः बदलाम कुदाकेरा।”

उदुःतो कताकून 21:21

बारहो दुवारकून बारहगोटोंग मनारंग मुतीकूनते तुलात दोहोना। मेमेडटोंग दुवार मेमेडटोंग मुतीते तुलात दोहोना। अरू हना सहरराः संडक ञेल पुरुःता हना सिसा इया मुरुक नपायते गरावतो सोनाते तुलात दोहोना।

उदुःतो कताकून 9:21

हँकू होड़कू ञेड गोएग अते, पंगाड़ होड़ेंग अते, सनहा-सनही बुता अते अरू इइनिग बुता अते भगवान अगी अँकूराः जीव मेरकू कुदागाड।