उदुःतो कताकून 17:2 - Korwa Bible

² हाँय सुदा चउंदीसरिकुःआ राजाकू सनहानेना अरू चउंदीसरिकुःआ होड़कू हाँयराः सनहा-सनही बुतातेकू गोड़ावयान।”

उदुःतो कताकून 17:2 ပူးပေါင်းရင်းမြစ်များ

एहुना 2:10

अरू हाँय एचेरेय कताया, “जमाकू मड़ंगरे अड़िजंग सेबेल अंगूर रसकू एमेयता अरू गुतियाकू ञू रंग झटायान तयोमते भोरोंडो इयाकू एमेयता। मनदो आम ननपाय रस नुँहू वरीम बनसावकेरा।”

उदुःतो कताकून 14:8

हनते बार नमारीग सेरमो देसरीग बराहील हाँय तयोमते वेजेडखने कताया, “लाययना, लाययना। मरंग सहर बाबील लाययान। नाःआ सहर मी होड़ सनही अइमी इया जमा जइत होड़कू अनँयगराः कोसोड़ाय एचे ञूतेडकुःआ अरू बेलूर बुताय एचे बुतातेडकुःआ।”

उदुःतो कताकून 17:13

हँकू जमाकू मी ओंगोलतेकू दोहोनता अरू हँकू अँननकूराः जंगर अरू हातपात हाँयग जानर लगाकू जिमायता।

उदुःतो कताकून 17:17

हँकुःआ राजाकू मिनी ओंगोलते दोहोन लगा अरू अँनकूराः हातपात जानर एचेरेकू जिमाय लगा भनगवान हमा हँकू जीवरे हना ओंगोले सोलोंगगोतेड। अरू भगवानराः जमा कतत बड़रा अरीन होयाः वरी नाःआ इयाकू एचेगोड ञवनता।

उदुःतो कताकून 17:5

अरू हाँयराः समांगरे नाःआ ओकोत इयाःआ ञाव ओजाःतो दोहोना, मरंग सहर बाबील, जमा चउंदीसरिकुःआ सनही अइमीकूरीग एंगात अरू जमा बरानाः एरंगवाताकू हना जिनिसकूनराः सूती।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।

उदुःतो कताकून 18:23

अरू ढिबरीराः मरसल आम एचेरे कहियो ओरो विड़चेड़नेना। अरू कनिया अरू बारराः ओरो कहियो ओरोकू अयूमतेरा। आमरिकुःआ फेरवइत होड़कू चउंदीसरिकुःआ मरंग होड़कू दोहोना अरू आमराः पंगनाहा अते चउंदीसरिकुःआ जमा होड़कू बहकावयान।

उदुःतो कताकून 18:3

जमा जइत होड़कू गोड़ावयान, हँकू नाःआ सहररिकुःआ होड़कूराः सनहा बुतातेकू गोड़ावयान। चउंदीसरिकुःआ राजाकू हँकू सुदाकू सनहानेना, अरू चउंदीसरिकुःआ फेरवइत होड़कू हँकूराः बेलूर बुताराः ओंगोलतेकू गिरहतनेना।”

उदुःतो कताकून 18:9

हँकू सुदाकू सनहानेना अरू अहाल-बहालतेकू दोहोना, हँकुःआ चउंदीसरिकुःआ राजाकू फिकिराःता। हँकू लोःता हना सेंगेलराः सोकोलकू ञेल मेला कुड़ोम चपाड़ घड़ीनकू इयामता।

उदुःतो कताकून 2:22

अयुमेपे! हाँय हसूतेयिंग पड़ूगोडेयता। अरू हाँय सुदा बेलूर बुताकू बुताता, हँकुःआ होड़कू कसूर अते जीव मेरकू कुदाय दो, हँकू लगा हों मुरुक कटसियायिंग एमेता।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

उदुःतो कताकून 9:21

हँकू होड़कू ञेड गोएग अते, पंगाड़ होड़ेंग अते, सनहा-सनही बुता अते अरू इइनिग बुता अते भगवान अगी अँकूराः जीव मेरकू कुदागाड।