उदुःतो कताकून 17:16 - Korwa Bible

¹⁶ अरू दसगोटोंग देरेंगमे ञेलतेरा, हँकू अरू हाँयग जानर, हाँयग सनही अइमीकू हिनइस-बिनइसवाता। हँकू हाँयकू नरी नठीगोडेयता अरू एकेतेकू अड़गेयता। हँकू हाँयराः मासकू जोम एंडागोडता अरू हाँय सेंगेलरेकू बाल लोगोडेयता।

उदुःतो कताकून 17:16 ပူးပေါင်းရင်းမြစ်များ

उदुःतो कताकून 12:3

हना तयोमरे सेरमो देसरे अरू मीटोंग चिनहायिंग ञेलतेरा। मीटोंग लाल मरंग बींग दोहोना। हाँयराः सातगोटोंग बोः अरू दसगोटोंग देरेंग दोहोना। हाँयराः सातगोटोंग बोःरे मेमेडटोंग मेमेडटोंग राजाराः पगरी दोहोना।

उदुःतो कताकून 16:12

हनते छो नमारीग सेरमो देसरीग बराहील अनँयगराः डुभा, मरंग फरात नईरेय दूलगोतेड। दो हना नईराः दाः अंजेडयान, जेमहा पुरुब देसरिकुःआ राजाकू लगा दूर बड़ाँव जुवाः।

उदुःतो कताकून 17:10

हना सातगोटोंग बोः सातगोटोंग राजाकू हवे। पाँचगोटोंग राजाकू गोएगयना, अरू मी होड़ नुँहू इदानिया, अरू मी होड़ अरीने वेगा। मनदो हाँय वेग दो, हाँय हुडिंग बेला वरीय राइजगेता।

उदुःतो कताकून 18:19

हँकू अँनकूराः बोःरे धुंदराकूनकू गिरहाता अरू इयाम घड़ीनकू फिकिराःता अरूकू खिररीता, “ठीकयना, ठीकयना, ने मरंग सहर, दाः जहाजकून अँननकू एचेरे दोहोना हँकुःआ होड़कू जमाकू गिरहतयानकू। मनदो मिनी जूदारे, हना मरंग सहर लाय एंडायना।

उदुःतो कताकून 18:8

हनालगा हँकू एचेरे मिनी दिनरे जमा बरानाः हइजा, गुजुः, फिकीर अरू कतकाल सुदरुःता। हँकूय फड़ियावता, हाँयग परबू भगवान अगम मरंग इदानिया, हनालगा हाँय सेंगेलतेय लाय एंडागोडकूता।”

उदुःतो कताकून 19:18

अपे राजाकूराः मास, अरू मरंग सइना होड़कूराः मास, अरू जंगरदार होड़कूराः मास, अरू घोड़ाकूराः मास, अरू घोड़ा सलावदारकूराः मास, अरू सेवकियाकूराः मास, अरू मालिकूताकूराः मास, अरू हुडिंग होड़कू अरू मरंग होड़कू, जमा होड़कूराः मास जोजोम लगापे वेग जुमाः।”