उदुःतो कताकून 16:6 - Korwa Bible

⁶ मुदइ होड़कू आमराः बड़रा कता होड़कू अरू आमरिकुःआ सुद होड़कूराः बलंगीकू एचे तूतेरा, हनालगा आम, हँकूके पवाः लगा दोहोना हनन इया हँकू बलंगीम एचे ञूतेडकुःआ।”

उदुःतो कताकून 16:6 ပူးပေါင်းရင်းမြစ်များ

मती ओजाःतेरा भगवानराः नपाय सरवन 7:2

एटाःकूपे फड़ियावता हनन इया, भगवान अपे होंय फड़ियावपेता अरू अपे सोंगगेता हनानाः तंबीते अपे लगा हों भगवान सोंगगेता।

लूका 12:48

मनदो सेवकिया होड़ मालिकराः ओंगोल बेगर सुदीते बेलूर बुताय बुताता, दो हाँय मड़ंगीग अते हुडिंग डंडे पवाःता। बगराय एमेकेरा, हाँय अते बगराय असेगेता अरू बगराय जिमेवारिया हाँय अते बनागरा आभाय गोःता।”

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

उदुःतो कताकून 11:18

जमा जइत होड़कू रीसयना अरू आम रीस भीकयानमे। दो गोएगतो होड़कू फड़ियाव लगा नुँहू बेला सोदोरयना, आमरिकुःआ सेवकियाकू अरू आमराः बड़रा कता होड़कू, अरू आमरिकुःआ सुद होड़कू, अरू आम सुदा अकूसकू मनाःता हँकुःआ मरंग अरू हुडिंग होड़कू, हँकू इमानमे एमेवा लगा हों बेला सोदोरयना, अरू चउंदीसकू लायतना, हँकुःआ होड़कूम लाय एंडाकूता।”

उदुःतो कताकून 13:10

बिसवास बदीरे सींगगेय लगा इदानिया, हाँयग होड़ सिनिंगगुःता। अरू बिसवास बदीरे तलवइरते ञेड एंडागेय लगा इदानिया हाँयग होड़ तनलवइरतेय ञेड एंडनता। हनालगा नाःआ जमाकून होयाः हों भगवानरिकुःआ सुद होड़कू सहाव घड़ीन बिसवासगोड ञवन लगा इदा।”

उदुःतो कताकून 13:15

हाँय जानरराः मुरतीरे साँस ओंग लगा जंगरे पवावकिया, जेमहा हना मुरती बुतुड़ु अवेन अरू हना मुरती मेरकू जागगेयता, हँकुःआ होड़कू ञेड एंडाकू लगा हना मुरती हातपाते पवावकिया।

उदुःतो कताकून 18:20

ने सेरमो देसरिकुःआ, अरू भगवानरिकुःआ सुद होड़कू, ईसूरिकुःआ मूक चेलाकू अरू भगवानराः बड़रा कता होड़कू, हाँय अपे सुदाय एचेतेरा, हनन इया भगवान हँकूय एमे बदलावारा। हनालगा अपे बनाहालतेपे दोहोन।”

उदुःतो कताकून 18:24

भगवानराः बड़रा कता होड़कू अरू सुद होड़कूराः बलंगी अरू चउंदीसरेकू ञेड एंडातेडकुःआ, हँकुःआ होड़कूराः बलंगी अँननपे एचेरे इदा।”

उदुःतो कताकून 19:2

आमराः फनड़ियाव नपाय अरू सताय इदा। मरंग सनही अइमी अनँयग सनही बुताते चउंदीसरिकुःआ होड़कूय एचे बेलूरगोतेडा, अरू आमरिकुःआ सेवकियाकूकू ञेड एंडातेरा हनालगा हाँयग मरंग सनही अइमी बाबील सहरमे फड़ियावकेडखन हनाराः बदलाम कुदाकेरा।”