उदुःतो कताकून 14:1 - Korwa Bible

¹ हनते ईंग भेड़ा होन सीयोन पहाड़रे चड़ाँतिंग ञेलतिरिया। अरू हाँय सुदा मी लाक चउवालीस हजार होड़कू दोहोना। हँकुःआ होड़कूराः समांगरे हाँयराः ञाव अरू आँयगरीग अपातराः ञाव ओजाःतो दोहोना।

उदुःतो कताकून 14:1 ပူးပေါင်းရင်းမြစ်များ

लूका 12:8

हनते ईसू कताया, “ईंग बड़रापे अयूम। तोनोंगीग होड़ एटाःकू मड़ंगरे ईंगे मान मरजइतता दो मनुवारीग बेटात हों भगवानरिकुःआ सेरमो देसरिकुःआ बराहीलकू मड़ंगरे हाँये मान मरजइतता।

रूमी 9:33

ईसू बदीरे भगवानराः कागदरे ओजाःतो इदा, “ईंगपे अयूम, होड़कू एचे तोहोडकूता हना खुंटा ईंग सियोनरेयिंग बीडगोडता, अरू हान होड़कू एचे तामगोडकूता। अरू हाँय एचेरेकू बिसवासगेता, हँकुःआ होड़कू कहियो ओरोकू गियूनेना।”

उदुःतो कताकून 14:14

हनते मीटोंग उजड़ बदरीयिंग ञेलतेरा अरू हना बदरीरे मनुवारीग बेटात इया तोनोंगीग दुड़ुःकिया। हाँय सोनाराः पगरीय तुसिंगतेरा अरू मीटोंग लसेर दतरोम तिःईरेय साबतेरा।

उदुःतो कताकून 14:3

हँकुःआ होड़कू गदीराः मड़ंगरे अरू चइरगोटोंग जानरकू अरू चूबीसगोटोंग मूक होड़कू मड़ंगरे मीटोंग नँवा सेरेंगकू सेरेंगा। भगवान चउंदीस अतेय सडावतेडकुःआ, हँकुःआ मी लाक चउवालीस हजार होड़कू एनेकला हना सेरेंगकू चेड अवेनेना।

उदुःतो कताकून 15:5

हनते ईंग भगवानराः ओड़ाः, मतलोब भगवान सुदा जुमाःराः टपइर ओड़ाःराः दुवार, सेरमो देसरे गीगतोयिंग ञेलतेरा।

उदुःतो कताकून 22:4

हँकू भगवानराः मुरइतकू ञेलता अरू हाँयराः ञाव हँकूराः समांगरे ओजाःतो दोहोनता।

उदुःतो कताकून 3:12

जितावबाः जुवाः हाँयग होड़ ईंग भगवानराः ओड़ाःराः मीटोंग खुंटायिंग बड़ाँवगेयता, अरू हाँय हना ओड़ाः अड़ाःकेडखन कहियो ओरोय सेनेडा। ईंग ईंगरीग भगवानराः ञाव हाँय इंदरीरेयिंग ओजाःगेता। अरू हाँय इंदरीरे भगवानराः सहरराः ञाव होयिंग ओजाःगेता। हना सहरराः ञाव, नँवा एरुसलेम हवे अरू हन ईंगरीग भगवान अगीते सेरमो देस अते उतराव वेगता। अरू ईंगराः नँवा ञाव हाँय चोटरेयिंग ओजाःगेता।

उदुःतो कताकून 4:1

हना तयोमरे ईंग ञेलतेरा दो सेरमो देसराः मीटोंग दुवार गीगतो दोहोना। अरू मरंग सोहनाईराः अरो इया अरो मड़ंगरेयिंग अयूमतेरा, हनाराः अरो अरूयिंग अयूमकेरा। हाँय कतातेरा, “दबूमे सेरमो, अरू नाःआते तयोमते होनोयाः लगा इदा, हना कताकून जमायिंग उदुःवामता।”

उदुःतो कताकून 6:8

दो ईंग मीटोंग पिःपियाड़ रंग घोड़ायिंग ञेलतेरा। अरू हाँयग घोड़ा सेरमो मी होड़ होड़ दुड़ुःकुःआ। हाँयराः ञाव दोहोना गुजुः, अरू पतालपूर हाँय तयोम तयोम दोहोना। हँकिन चउंदीसरिकुःआ होड़कू चइर बंटारे मी बंटा होड़कू ञेड एंडाकू लगा हातपातकिन पवावकिया। हँकिन होड़कू तलवइरते, अरू कतकालते अरू हइजाते अरू पहाड़ जानरकूते गोएग एंडाकू लगा हातपातकिन पवावकिया।