उदुःतो कताकून 13:4 - Korwa Bible

⁴ हाँयग लाल मरंग बींग हाँयग जानर लगा आँयगराः हातपाते जिमागोतेड अते, जमा होड़कू हाँयकू जागतेरा। हँकू हाँयग जानर हों जाग घड़ीनकू कताया, “नाँयग जानर इया तोनोंगीग इदानिया जा? नाँय सुदा इये लड़ाइ अवेनता?”

उदुःतो कताकून 13:4 ပူးပေါင်းရင်းမြစ်များ

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

2 तिसलूनिका 2:4

होड़कू, भगवान माःआनकू कतायता अरूकू सेवागेता हना जमाकूने घंटावगेता अरू हाँय कतायता, ईंग जमाकूते मरंग इदानिंगा, माःआन। हाँय भगवानराः ओड़ाःरे दुडुःकियानखन ईंग भगवान हवे, माःआने कतनता।

उदुःतो कताकून 12:3

हना तयोमरे सेरमो देसरे अरू मीटोंग चिनहायिंग ञेलतेरा। मीटोंग लाल मरंग बींग दोहोना। हाँयराः सातगोटोंग बोः अरू दसगोटोंग देरेंग दोहोना। हाँयराः सातगोटोंग बोःरे मेमेडटोंग मेमेडटोंग राजाराः पगरी दोहोना।

उदुःतो कताकून 12:4

सेरमोरिकुःआ इपीलकू पेय बंटारे मी बंटा हाँयग लाल मरंग बींग अनँयगराः चड़रोमते ओतरेय झंटाव लोजोरगोतेडकू। हनते हाँयग लाल मरंग बींग हाँयग अइमीरीग लँइग जनमावगुः मेला ऊडगेय लगा अइमी मड़ंगरेय चड़ाँयान।

उदुःतो कताकून 13:11

हनते अरू मीटोंग जानर ओत अते उडुंगतोयिंग ञेलतिरिया। हाँय एचेरे भेड़ा होनराः देरेंग इया बारटोंग देरेंग दोहोना, अरू हाँय लाल मरंग बींग इयाय बुतुड़ुःआ।

उदुःतो कताकून 13:15

हाँय जानरराः मुरतीरे साँस ओंग लगा जंगरे पवावकिया, जेमहा हना मुरती बुतुड़ु अवेन अरू हना मुरती मेरकू जागगेयता, हँकुःआ होड़कू ञेड एंडाकू लगा हना मुरती हातपाते पवावकिया।

उदुःतो कताकून 13:2

ईंग ञेलतिरिया हाँयग जानरराः धउर हुंडर इया दोहोना, अरू हाँयराः काट हदरा काट इया दोहोना, अरू हाँयराः आह कूल आह इया दोहोना। हनते हाँयग लाल मरंग बींग आँयगराः जंगर अरू गदी अरू मरंग हातपात हाँयग जानरे जिमावातेरा।

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 18:18

अरू सहर लोःता हना सोकोल ञेलकेडखनकू खिररीता, “जमा सहरकून अते मनारंग सहर ननानाः सहर दोहोना, माःआन।”

उदुःतो कताकून 9:20

हनते हों नाःआ हइजाते बनसावतो होड़कू अँननकू अँकूराः बेलूर बुताकून अड़ाःकेडखन जीव मेरकू कुदागाड, अरू भूतकूकू सेवाःआ। हँकू सोना अरू चाँदी अरू पितड़ अरू दिरि अरू कठवाराः मुरतीकूनराः सेवा मेरकू अड़ाःगाड। नाःआ मुरतीकून कहिसाः मेर ञेल अवेयता, मेर अयूम अवेयता अरू मेर सेने अवेनता।