उदुःतो कताकून 13:2 - Korwa Bible

² ईंग ञेलतिरिया हाँयग जानरराः धउर हुंडर इया दोहोना, अरू हाँयराः काट हदरा काट इया दोहोना, अरू हाँयराः आह कूल आह इया दोहोना। हनते हाँयग लाल मरंग बींग आँयगराः जंगर अरू गदी अरू मरंग हातपात हाँयग जानरे जिमावातेरा।

उदुःतो कताकून 13:2 ပူးပေါင်းရင်းမြစ်များ

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

उदुःतो कताकून 12:13

हाँयग लाल मरंग बींग सुदीगोतेडे, हँकू चउंदेसरेकू तेके लोजोरगोतेडिंगा, माःआन। दो हाँय, हेरेल होने जनमावतिरिया हाँयग अइमीय झुटियावतेरा।

उदुःतो कताकून 12:15

हनते लाल मरंग बींग हाँयग अइमी झुटियावतेडखन अनँयग आहते दाः नई इयाय पुरकावगोतेड, जेमहा हाँयग अइमी हना दाःतेय तूः जुवाः।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 13:12

गुजुः इया घाव दोहोना अरू हना घाव ओरेगयान, हनाँय मड़ंगीग जानरराः हातपातते जमा बरानाः बुताय बुताःआ। नाँयग नँवा जानर, चउंदीसरिकुःआ जमा होड़कू, रेनहाकेडखन हाँयग मड़ंगीग जानरे एचे जागकुःआ।

उदुःतो कताकून 13:4

हाँयग लाल मरंग बींग हाँयग जानर लगा आँयगराः हातपाते जिमागोतेड अते, जमा होड़कू हाँयकू जागतेरा। हँकू हाँयग जानर हों जाग घड़ीनकू कताया, “नाँयग जानर इया तोनोंगीग इदानिया जा? नाँय सुदा इये लड़ाइ अवेनता?”

उदुःतो कताकून 16:10

हनते पाँच नमारीग सेरमो देसरीग बराहील अनँयगराः डुभा, हाँयग जानरराः गदीरेय दूलगोतेड। दो हाँयराः राइजरे भीट भीट अंदरायान अरू होड़कू मुरुक पीराते अँनकूराः अलंगकू हवाः लेंडेगा।

उदुःतो कताकून 17:12

दसगोटोंग देरेंगमे ञेलतेरा, हान दसगोटोंग राजाकू हवे। हँकू नुँहू वरी राइजगेराः हातपात मेरकू पवावगान। हँकू हाँयग जानर सुदा राइजगेराः हातपात मी घंटा लगाकू पवाःता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

उदुःतो कताकून 20:2

हनते हाँय लाल मरंग बींग साबतेडखन हजार बरिस लगाय तोल दोहोतिडिया। हाँयग लाल मरंग बींग, मड़ंगीग बींग हवे। अरू हनाँय हमा कलउ अरू दरहा।