उदुःतो कताकून 13:11 - Korwa Bible

¹¹ हनते अरू मीटोंग जानर ओत अते उडुंगतोयिंग ञेलतिरिया। हाँय एचेरे भेड़ा होनराः देरेंग इया बारटोंग देरेंग दोहोना, अरू हाँय लाल मरंग बींग इयाय बुतुड़ुःआ।

उदुःतो कताकून 13:11 ပူးပေါင်းရင်းမြစ်များ

मती ओजाःतेरा भगवानराः नपाय सरवन 7:15

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

2 तिसलूनिका 2:4

होड़कू, भगवान माःआनकू कतायता अरूकू सेवागेता हना जमाकूने घंटावगेता अरू हाँय कतायता, ईंग जमाकूते मरंग इदानिंगा, माःआन। हाँय भगवानराः ओड़ाःरे दुडुःकियानखन ईंग भगवान हवे, माःआने कतनता।

उदुःतो कताकून 11:7

हँकिनाः हिदइतदारकिन भगवानराः सरवनकिन परसार उरियाव जुवाः दो, पतालपूरते उडुंगगुःता हाँयग जानर हँकिन सुदा लड़ाइकियानखन हाँय जिताःता अरू हँकिने ञेड एंडाता।

उदुःतो कताकून 12:17

हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।

उदुःतो कताकून 13:1

हनते ईंग मीटोंग जानर समुंदर अते उडुंगतोयिंग ञेलतिरिया। हाँयराः दसगोटोंग देरेंग अरू सातगोटोंग बोः दोहोना। हाँयराः मेमेडटोंग देरेंगरे मेमेडटोंग राजाराः पगरी दोहोना। हाँयराः मेमेडटोंग बोःरे भगवान ओपतागेराः ञावकून ओजाःतो दोहोना।

उदुःतो कताकून 13:17

निही दो तोनोंगीग तोनोंगाः जिनिस ओरोकू किजा अवेतेरा सहे ओरोकू अकिरिंग अवेतेरा। हना चिनहा हाँयग जानरराः ञाव अरू हाँयराः ञावराः नमार उदुःता।

उदुःतो कताकून 13:4

हाँयग लाल मरंग बींग हाँयग जानर लगा आँयगराः हातपाते जिमागोतेड अते, जमा होड़कू हाँयकू जागतेरा। हँकू हाँयग जानर हों जाग घड़ीनकू कताया, “नाँयग जानर इया तोनोंगीग इदानिया जा? नाँय सुदा इये लड़ाइ अवेनता?”

उदुःतो कताकून 16:13

हनते ईंग हाँयग लाल मरंग बींगराः आहते, अरू जानरराः आहते अरू भगवानराः बड़रा लबराते कतायीग होड़राः आहते मेमेडटोंग मेमेडटोंग भूतकू रोकेगकू इयाकू उडुंगुःतो ईंग ञेलतेडकुःआ।

उदुःतो कताकून 17:6

हाँयग अइमी, ईसूराः सताय कताकू कताया, हँकुःआ भगवानरिकुःआ सुद होड़कूय ञेड एंडातेरा अरू हँकूराः बलंगी ञूतेडखन बुनूलतोयिंग ञेलतिरिया। ईंग हाँयिंग ञेलतेड दो मुरुकिंग बयावयान।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।