उदुःतो कताकून 12:3 - Korwa Bible

³ हना तयोमरे सेरमो देसरे अरू मीटोंग चिनहायिंग ञेलतेरा। मीटोंग लाल मरंग बींग दोहोना। हाँयराः सातगोटोंग बोः अरू दसगोटोंग देरेंग दोहोना। हाँयराः सातगोटोंग बोःरे मेमेडटोंग मेमेडटोंग राजाराः पगरी दोहोना।

उदुःतो कताकून 12:3 ပူးပေါင်းရင်းမြစ်များ

उदुःतो कताकून 12:1

हनते सेरमो देसरे मीटोंग मरंग चिनहायिंग ञेलतेरा। मी होड़ अइमी बेरे ओयोकातेरा। बांगो हाँयराः काट पेंदा दोहोना अरू हाँयराः बोःरे बारहगोटोंग इपीलकूते सिंगारतो पगरी दोहोना।

उदुःतो कताकून 12:13

हाँयग लाल मरंग बींग सुदीगोतेडे, हँकू चउंदेसरेकू तेके लोजोरगोतेडिंगा, माःआन। दो हाँय, हेरेल होने जनमावतिरिया हाँयग अइमीय झुटियावतेरा।

उदुःतो कताकून 12:17

हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।

उदुःतो कताकून 12:4

सेरमोरिकुःआ इपीलकू पेय बंटारे मी बंटा हाँयग लाल मरंग बींग अनँयगराः चड़रोमते ओतरेय झंटाव लोजोरगोतेडकू। हनते हाँयग लाल मरंग बींग हाँयग अइमीरीग लँइग जनमावगुः मेला ऊडगेय लगा अइमी मड़ंगरेय चड़ाँयान।

उदुःतो कताकून 12:7

हनते सेरमो देसरे लड़ाइ होयानेना। भगवानरीग मरंग बराहील, मिकाईल अरू आँयगरिकुःआ बराहीलकू लाल मरंग बींग सुदा लड़ाइ लगाकू उडुंगनेना। अरू लाल मरंग बींग अरू आँयगरिकुःआ बेलूर बराहीलकू हँकू सुदाकू लड़ाइया।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 13:1

हनते ईंग मीटोंग जानर समुंदर अते उडुंगतोयिंग ञेलतिरिया। हाँयराः दसगोटोंग देरेंग अरू सातगोटोंग बोः दोहोना। हाँयराः मेमेडटोंग देरेंगरे मेमेडटोंग राजाराः पगरी दोहोना। हाँयराः मेमेडटोंग बोःरे भगवान ओपतागेराः ञावकून ओजाःतो दोहोना।

उदुःतो कताकून 13:2

ईंग ञेलतिरिया हाँयग जानरराः धउर हुंडर इया दोहोना, अरू हाँयराः काट हदरा काट इया दोहोना, अरू हाँयराः आह कूल आह इया दोहोना। हनते हाँयग लाल मरंग बींग आँयगराः जंगर अरू गदी अरू मरंग हातपात हाँयग जानरे जिमावातेरा।

उदुःतो कताकून 13:4

हाँयग लाल मरंग बींग हाँयग जानर लगा आँयगराः हातपाते जिमागोतेड अते, जमा होड़कू हाँयकू जागतेरा। हँकू हाँयग जानर हों जाग घड़ीनकू कताया, “नाँयग जानर इया तोनोंगीग इदानिया जा? नाँय सुदा इये लड़ाइ अवेनता?”

उदुःतो कताकून 15:1

हनते सेरमो देसरे मीटोंग मरंग अरू बयाव जुवाः इया चिनहायिंग ञेलतेरा। हंडा सातगोटोंग बराहीलकू दोहोना अरू हँकू एचेरे सातगोटोंग हइजा दोहोना। नाःआ टुटीग हइजाते भगवानराः रीस चबायान।

उदुःतो कताकून 16:13

हनते ईंग हाँयग लाल मरंग बींगराः आहते, अरू जानरराः आहते अरू भगवानराः बड़रा लबराते कतायीग होड़राः आहते मेमेडटोंग मेमेडटोंग भूतकू रोकेगकू इयाकू उडुंगुःतो ईंग ञेलतेडकुःआ।

उदुःतो कताकून 17:12

दसगोटोंग देरेंगमे ञेलतेरा, हान दसगोटोंग राजाकू हवे। हँकू नुँहू वरी राइजगेराः हातपात मेरकू पवावगान। हँकू हाँयग जानर सुदा राइजगेराः हातपात मी घंटा लगाकू पवाःता।

उदुःतो कताकून 17:16

अरू दसगोटोंग देरेंगमे ञेलतेरा, हँकू अरू हाँयग जानर, हाँयग सनही अइमीकू हिनइस-बिनइसवाता। हँकू हाँयकू नरी नठीगोडेयता अरू एकेतेकू अड़गेयता। हँकू हाँयराः मासकू जोम एंडागोडता अरू हाँय सेंगेलरेकू बाल लोगोडेयता।

उदुःतो कताकून 17:7

हनते हाँयग बराहील ईंग एचेरेय होंबोरतेरा, “आम चिला लगाम बयावयना? सातगोटोंग बोः अरू दसगोटोंग देरेंग इदा हाँयग जानर बदीराः अरू, हाँय चोटरे दुड़ुःतो इदानिया हाँयग अइमी बदीराः ओकोत कता, ईंग एचे बुझावगोडमेता।

उदुःतो कताकून 19:12

हाँयराः मेड हितकाःतो सेंगेल इया इदा अरू हाँयराः बोःरे राजाकूराः मुरुक पगरीकून इदा। हाँय चोटरे मीटोंग ञाव ओजाःतो दोहोना। हना ञाव हाँय अते एटाःयीग तोनोंगीग मेनेरकू सुसुदीता।

उदुःतो कताकून 20:2

हनते हाँय लाल मरंग बींग साबतेडखन हजार बरिस लगाय तोल दोहोतिडिया। हाँयग लाल मरंग बींग, मड़ंगीग बींग हवे। अरू हनाँय हमा कलउ अरू दरहा।