उदुःतो कताकून 11:7 - Korwa Bible

⁷ हँकिनाः हिदइतदारकिन भगवानराः सरवनकिन परसार उरियाव जुवाः दो, पतालपूरते उडुंगगुःता हाँयग जानर हँकिन सुदा लड़ाइकियानखन हाँय जिताःता अरू हँकिने ञेड एंडाता।

उदुःतो कताकून 11:7 ပူးပေါင်းရင်းမြစ်များ

लूका 13:32

दो ईसू हँकू एचेरेय कताया, “अपे सेनेवाडखन हाँयग चलहू भुलरी बुःआ एचेरेपे कताय, ईंग तिसिंग अरू गपा भूतकूयिंग उडुंगता अरू बेमरियाकूयिंग नपायता। अरू पेय दिनरे ईंगराः बुतायिंग बुता पुरावता, माःआन।

लूका 8:31

अरू हँकू ईसू एचेरेकू असेःआ, पतालपूररे अले अलोम वारले, माःआन।

एहुना 17:4

ईंगमे जिमावातेरा हना बुता चनाबाबाःगोतेडिंग अरू नाःआते आमिंग एचे मान मरजइतकेरा।

एहुना 19:30

दो ईसू हना रस ञूयतेडखने कतातेरा, “ईंगराः बुतायिंग चबागोतेडा।” हनते हाँय बोः हुटूतेडखन आँयगराः हनसाय अड़ाःगोतेड।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

2 तिमुतियूस 4:7

ईंग परबू लगा नपायतेयिंग धरक बजिनी पुरावकेरा, ईंग बतकाःयिंग पुरावगोतेडा अरू बिसवासिंग संभाड़ दोहोकेरा।

उदुःतो कताकून 11:3

अरू ईंगरिकिनाः बार होड़ हिदइतदारकिन हातपातिंग ओवाकिनता। हँकिन बोराराः सोनहे तुसिंगकेडखन 1,260 दिन वरी भगवानराः बड़राकिन कतागोड ञवनता।”

उदुःतो कताकून 12:17

हना अते लाल मरंग बींग हाँयग अइमी सुदा मुरुके रीस भीकयान, अरू हाँयग बींग भगवानराः हुकुमकू मनाःता हाँयग अइमीरिकुःआ एटाः लइंकू एचेरे, अरू ईसूराः सताय कताकू मनावगोड ञवनतना, हँकू एचेरे लड़ाइ लगा तोराया।

उदुःतो कताकून 13:11

हनते अरू मीटोंग जानर ओत अते उडुंगतोयिंग ञेलतिरिया। हाँय एचेरे भेड़ा होनराः देरेंग इया बारटोंग देरेंग दोहोना, अरू हाँय लाल मरंग बींग इयाय बुतुड़ुःआ।

उदुःतो कताकून 13:7

भगवानरिकुःआ सुद होड़कू एचेरे लड़ाइ लगा अरू हँकू सुदा जीताः लगा हातपाते पवावनेना। जमा जइत होड़कू, अरू जमा गोतोररिकुःआ होड़कू, अरू जमा राइजरिकुःआ होड़कू अरू जमा भासीरिकुःआ होड़कू एचेरे हातपाते पवावनेना।