उदुःतो कताकून 10:1 - Korwa Bible

¹ हनते अरू एटाःयीग जंगरदार सेरमो देसरीग बराहील बदरी ओयोनेनखन सेरमो देस अते उतराःतो ईंग ञेलतिरिया। हाँयराः बोःरे टुंडी बींग दोहोना। हाँयराः सुरइत बेर इया अरू हाँयराः काट सेंगेलराः खुंटा इया दोहोना।

उदुःतो कताकून 10:1 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:2

हंडा चेलाकू ञेनेल ञेलरे हाँयराः मुरइत बदलावयान अरू हाँयराः सुरइत बेर इया विड़चेड़नेना अरू हाँयराः सोनहे मरसल इया फक-फक उजड़यान।

लूका 21:27

हनमेला मनुवारीग बेटात जंगर अरू मुरुक मरसलते बदरीरेय वेगता अरू जमा होड़कू हाँयकू ञेलेयता।

मूक चेलाकू 26:13

दो ने राजा, तिकिन बेला सेनेन सेन मेला सेरमो अते बेरराः सितोंग अते मुरुक विड़चेड़तो मरसल ईंग अरू ईंगरिकुःआ सउंगताकूराः चइरो गतरिंग ञेलतेरा।

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!

उदुःतो कताकून 18:1

हनते अरू मीटोंग बराहील सेरमो देस अते वेगतो ईंग ञेलतिरिया। हाँयग बराहील एचेरे मरंग हातपात दोहोना अरू हाँय मुरुके विड़चेड़ा, अरू हाँयराः मरसलते जमा चउंदीस मरसलयान।

उदुःतो कताकून 18:21

हनते मीटोंग मुरुक जंगरदार बराहील मीटोंग मरंग दिरिय रेमतेरा अरू समुंदरेय तेके बोलोगोतेड। अरू हाँय कतातेड, “ननन इयाःआ जंगरते मरंग सहर बाबील रेमगे एंडानता, अरू हना सहर कहियो ओरो दोहोनेना।

उदुःतो कताकून 20:1

हनते ईंग सेरमो देस अते मीटोंग बराहील उतराःतोयिंग ञेलतिरिया। हाँयराः तिःईरे पतालपूरराः चाभी अरू मीटोंग मरंग सिकिड़ी दोहोना।

उदुःतो कताकून 4:3

हना गदीरे दुड़ुःकिया हाँय, एसब दिरि अरू माड़िकिया दिरि इयाय विड़चेड़नेना। पना दिरि लवकाःता हना इयाःआ मीटोंग टुंडी-बींग हाँयराः गदीराः चइरो गतर ञिलुःआ।

उदुःतो कताकून 5:2

हनते ईंग सेरमो देसरीग मी होड़ जंगरदार बराहीलिंग ञेलतेरा। हाँय मुरुक सटी खिररी घड़ीने कतातेरा, “नाःआ कागद अरू मोहर लड़ा जुकूर तोनोंगीग इदानिया जा?”

उदुःतो कताकून 8:13

हनते मीटोंग कुड़ीड सेरमोरे उडाःतोयिंग ञेलतिरिया अरू हाँयराः मुरुक सटी अरोयिंग अयूमतेरा, “पेयगोटोंग सेरमो देसरिकुःआ बराहीलकू मरंग सोहनाई ओंग लगा सपड़ावतो इदानकुःआ। हनालगा चउंदीसरिकुःआ होड़कू लगा सिकिसता, सिकिसता, मुरुक सिकिसता होयाःता।”