उदुःतो कताकून 1:20 - Korwa Bible

²⁰ आम ईंगराः खउना तिःईरे सातगोटोंग इपीलकू अरू सोनाराः सातगोटोंग ढिबरीकूनमे ञेलतेरा। हँकुःआ सातगोटोंग इपीलकू सातगोटोंग कलसियारिकुःआ बराहीलकू हवे अरू सातगोटोंग ढिबरीकून सातगोटोंग कलसियाकून हवे।”

उदुःतो कताकून 1:20 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:11

दो ईसू कतातेड, “भगवानराः राइजराः ओकोत कताकून सुदी लगा अपे लगा भगवान कनहूने एमेकेरा, मनदो हँकुःआ होड़कू लगा कोवान।

लूका 8:10

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेकेरा। मनदो एटाः होड़कू सुदा ईंग अउल-तउल कहड़ी उदुःगेतिंग, जेमहा हँकुःआ होड़कू ञेनेल मेडतेकू ञेलता, मनदो ओरोकू सुदीतेरा, अरू लुनुतूर लुतूरतेकू अयूमता मनदो ओरोकू बुझावनेना।”

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”

उदुःतो कताकून 1:16

हाँय अनँयग खउना तिःईरे सातगोटोंग इपीलकूय साबकातेरा अरू हाँयराः आहते मीटोंग बनर परोम लसेर तलवइर उडुंगतो दोहोना, अरू हाँयराः सुरइत मुरुक लवकाःता हना बेर इया दोहोना।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

उदुःतो कताकून 17:5

अरू हाँयराः समांगरे नाःआ ओकोत इयाःआ ञाव ओजाःतो दोहोना, मरंग सहर बाबील, जमा चउंदीसरिकुःआ सनही अइमीकूरीग एंगात अरू जमा बरानाः एरंगवाताकू हना जिनिसकूनराः सूती।

उदुःतो कताकून 17:7

हनते हाँयग बराहील ईंग एचेरेय होंबोरतेरा, “आम चिला लगाम बयावयना? सातगोटोंग बोः अरू दसगोटोंग देरेंग इदा हाँयग जानर बदीराः अरू, हाँय चोटरे दुड़ुःतो इदानिया हाँयग अइमी बदीराः ओकोत कता, ईंग एचे बुझावगोडमेता।

उदुःतो कताकून 2:1

इपीसी सहरराः कलसियारीग बराहील लगा नाःआ चिठीम ओजाः सातगोटोंग इपीलकू खउना तिःईरे साबकेडखन सोनाराः सातगोटोंग ढिबरीकून तलारेय दँड़ातायीग नाःआ इयाय कतायता,

उदुःतो कताकून 2:12

पिरगामून सहरराः कलसियारीग बराहील लगा नाःआ चिठीम ओजाः बनर परोम लसेरतो तलवइर साबतोयीग नाःआ इयाय कतायता,

उदुःतो कताकून 2:18

थायतिरा सहरराः कलसियारीग बराहील लगा नाःआ चिठीम ओजाः हितकाःतो सेंगेल इया मेड अरू सिरामइत पितड़ इया काट इदानीग भगवानरीग बेटात नाःआ इयाय कतायता,

उदुःतो कताकून 2:5

हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।

उदुःतो कताकून 2:8

इसमुरना सहरराः कलसियारीग बराहील लगा नाःआ चिठीम ओजाः मनाड़ंगते इदानिया अरू टुटीग वरीय दोनोहोनता, अरू गोएगनेनखन जियाव रेमतो इदानीग नाःआ इयाय कतायता,

उदुःतो कताकून 3:1

सरदीस सहरराः कलसियारीग बराहील लगा नाःआ चिठीम ओजाः, सातगोटोंग बिरुवाय वारेयता अरू सातगोटोंग इपीलकू साबतोयीग नाःआ इयाय कतायतना, “ईंग अपेराः बुताकूनिंग सुसुदीतना। होड़कू हँकू जीयत इदानकुःआ, माःआनकू कतावापेता, मनदो अपे गोएगतो इदानपेःआ।

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,

उदुःतो कताकून 3:7

पिलादिलपिया सहरराः कलसियारीग बराहील लगा नाःआ चिठीम ओजाः, सुद अरू सताय इदानीग, अरू दाऊद राजाराः चाभी अनँयग तिःईरेय साबकातायीग कतायतना। हाँय हना चाभीतेय गीगगेता हना दुवार तोनोंगीग ओरोकू सींग अवेतेरा। अरू हाँय सींगगे हन दुवार तोनोंगीग ओरोकू गीग अवेतेरा। दो हाँय नाःआ इयाय कतायता,