उदुःतो कताकून 1:10 - Korwa Bible

¹⁰ परबूराः दिनरे सुद बिरुवातेयिंग पेरेगयान अरू ईंग तयोम अगी मरंग सोहनाई इया मुरुक सटी मीटोंग अरोयिंग अयूमतेरा,

उदुःतो कताकून 1:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 22:43

हनते ईसू हँकू एचेरेय होंबोरतेड, “दो दाऊद राजा सुद बिरुवाते पेरेगकियानखन हाँय परबू माःआन चिला लगाय राःतिरिया? दाऊद नाःआ इयाय कतातेरा,

एहुना 20:19

हनानाः एतवार दिन सिंगाड़ मेला, चेलाकू एहूदाकूरिकुःआ मूक होड़कूराः बोतोरते ओड़ाःरे सींग रेडतोकू दोहोना। दो ईसू हंडाय वेजेडा अरू हँकू तलारे चड़ाँनेनखने कतावाकुःआ, “भगवान अपेराः जीवे सलसतगे।”

एहुना 20:26

आठ दिन तयोमरे ईसूरिकुःआ चेलाकू ओड़ाः पेंदारेकू दोहोना। अरू हँकू सुदा तोमा होंय दोहोना। हना ओड़ाःराः दुवार सींगतो दोहोना। हननमेला ईसू वेगनेना अरू हँकू तलारे चड़ाँनेनखने कतातेरा, “भगवान अपेराः जीवे सलसतगे।”

मूक चेलाकू 20:7

हपताराः मड़ंग दिनरे चेलाकू परबूराः रुटी डुंडीग जोम लगाकू वेजेडा दो, पउलूस हँकू एचेरेय परसारतेरा। हाँय एटाः दिन सेन लगाय दोहोना, हनालगा हाँय हटिंग बरा रइत वरीय बड़रागोड ञवना।

1 कुरिंती 12:3

हनालगा ईंग कतायतना, सुद बिरुवाराः अगुवाइतेय सलाःता हाँयग होड़, ईसू सती-सरापतो इदानिया माःआन मेरेय कतायता। सुद बिरुवा तोनोंगीग मेर अगुवाइवाय दो हाँय, ईसू, परबू हवे, माःआन ओरोय कता अवेतेरा।

1 कुरिंती 16:2

जमा हपताराः मड़ंग दिन एतवार दिन अपेराः आन-धान अते हुडिंग हुडिंगपे बनसाव दोहोगे। दो ईंग अपे एचेरेयिंग सेन, हनमेला ईंगके बिहिरी उउतराव ओरो परावनेना।

उदुःतो कताकून 17:3

हनते ईंग सुद बिरुवातेयिंग पेरेगयान अरू हाँयग बराहील ईंग टयंगाब ततेर अगीय गोःयाडिंग। हंडा मीटोंग लाल रंगीग जानरिंग ञेलतेरा। हाँयग जानर चोटरे मी होड़ अइमी दुड़ुःकुःआ। हाँयग जानर चोटरे भगवान ओपतागेराः मुरुक ञावकून ओजाःतो दोहोना। हाँयग जानरराः सातगोटोंग बोः अरू दसगोटोंग देरेंग दोहोना।

उदुःतो कताकून 21:10

हनते सुद बिरुवाराः संघराते हाँयग बराहील ईंग मीटोंग मरंग अरू उसूल पहाड़रेय गोःयाडिंग। हंडालिंग चड़ाँनेन मेला सुद सहर एरुसलेम भगवान अगीते सेरमो देस अते उतराःतोयिंग ञेलतेरा।