पिलिपी 4:17 - Korwa Bible

¹⁷ ईंग बदीरे अपे अहापे ओंगोलगे, नाँय तोनोंगाः संघरा पवाः लगाय चहाःतना, माःआन। मनदो ईंग चहाःतना, अपे ईंगपे संघरावातेरा, हनाते भगवान अपे इमाने एमेवापे।

पिलिपी 4:17 ပူးပေါင်းရင်းမြစ်များ

एहुना 15:16

अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

एहुना 15:8

अपे नपाय बुताकेडखन मुरुक जोःओपे अदेरगोड दो अपे ईंगरिकुःआ चेलाकूपे बड़ाँःता। भगवानराः मान मरजइत नानाः अते होयाःता।

रूमी 15:28

दो नुँहू ईंग एरुसलेम सहरिंग सेनता अरू नाःआ बिहिरी हँकू एचेरेयिंग एमे अटूता। हनते ईंग अपे सुदा जुमावकियानखन इसपान देसिंग सेनता।

2 कुरिंती 11:16

ईंग अरूयिंग कतायतना, तोनोंगीग ईंग बुयांग अलोय ओंगोलगींग। मनदो ईंग बुयांगे ओंगलिंगता हाँयग होड़ बुनुयांग ओंगोलकिडिंगखने सहावया, जेमहा ईंग हों हुडिंगिंग बड़वारगुः।

2 कुरिंती 9:5

हनालगा बिसवासी बोपोहकूतिंग मड़ंग अपे एचेरे वारकू लगा ईंगके नपाय लगावनेना, जेमहा अपे मिनी जीवते एमेय लगापे जबानकेरा हना बिहिरीपे जुमावका। दो अपेराः हना बिहिरी कुरबुरावकियानखन कोवान मनदो मिनी जीवकियानखनपे जुमाव अवेय।

पिलिपी 1:11

नाःआ इयाःआ नपाय लूर-नेवन ईसू मसीते अपेराः जीवरे होयाःता, अरू हनाते होड़कू भगवानकू जाग अरूकू मान मरजइतगेय।

पिलिपी 4:11

अपे अहापे ओंगले नाँय लगा तोनोंगाः हुडिंग बगरा इदा। हनालगा नाँय नाःआ इयाय कतायतना, माःआन। ईंग तोनोंगाः हाल-चालरे संतोकगे लगायिंग चेडकिया।

1 तिसलूनिका 2:5

अपे सुसुदीतना अले बोनाव बड़राते सहे लुभिया होड़कू इया बुइद तुलाकेडखन अपे सुदा मेरले कतागाड। नाःआ कता बदीरे भगवान अलेरीग हिदइतदार इदानिया।

1 तिमुतियूस 3:3

हाँय बुनूलतो होड़ सहे कड़ीग होड़ अलोय दोहोन। हाँय सलसतिया अरू सुधा होड़ दोहोन लगा इदा, अरू ढिबुवाराः ललचीरे अलोय दोहोन।

1 तिमुतियूस 6:10

ढिबुवाराः ललचीरेय दोहोनता हाँयग होड़, जमा इयाःआ बेलूर बुताकूने एचेगोड ञवनता। नाःआ अते मुरुक होड़कू बिसवासकू अड़ाःगोतेडा अरू हँकूराः जीवरे एटाः एटाः इयाःआ सिकिसता होयायना।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

1 पतरस 5:2

भगवान अपे एचेरेय जिमाःकेडकुःआ हँकुःआ होड़कू मी होड़ सरवाहा अनँयगरिकुःआ भेड़ाकूय तिहाकूता हनन इया नपायतेपे तिहा हड़ाःकू। तोनोंगीगराः रेनहाते सहे गियू जुवाः इयाःआ नफा पवाः लगा कोवान, मनदो अपे मिनी जीवते भगवान ननाय जुवाः लगा हाँयराः ओंगोल इया हँकूपे तिहागोड ञवन।

2 पतरस 2:15

हँकू सताय दूर अड़ाःकेडखनकू एटाःयना अरू हँकू कसूरकेडखन ढिबुवा पवाः लगाय मंजूरयना हाँयग बओररीग बेटात बिलामराः दूररेकू सलाःतना।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

जूदा 1:11

हँकुःआ होड़कू ठीककू दोहोनता! हँकू ञेड एंडात होड़ काइन इया कसूरकू एचेता; नफा पवाव लगा लुभिया होड़ बिलाम इया हँकू गारबारकू एचेता; अरू हँकू कोरह इया होड़कूकू बहकावा अरू हँकू अँननकू अँकू लाय जुवाःता।