पिलिपी 3:19 - Korwa Bible

¹⁹ हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

पिलिपी 3:19 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:23

दो ईसू ञेल उलटावतेडखन पतरसे कतावाड, “ने कलउ, ईंग मड़ंग अते तोरेनमे। आम ईंगराः दूरमे रेड लगा ओंगलेता। आम भगवानराः कता इया कोवान, मनदो होड़कूराः कता इयाम ओंगोलतना।”

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

लूका 12:19

पला तुलाकेडखन ईंग इनिंगतेयिंग कतायता, ईंग मुरुक बरिस लगा हुड़ू अरू जमा जइतकूनिंग बुता अदेरकेरा। नुँहू नपाय ईंग जोम ञूयता अरूयिंग लोड़ोनता अरू बहालतेयिंग दोहोनता।

लूका 16:19

मी होड़ गिरहत होड़ दोहोना। हाँय मुरुक बगरा किमइतराः सोनहेय तुसिंगा अरू जोम ञूवाडखन सगर दिन बहालतेय दोहोना।

लूका 18:4

दो तोनोंग बेला वरी हाँय हाँयग अइमी मेरेय संघरावागडीग। तयोमरे हाँय अनँयग जीवरेय ओंगोलतेरा, ईंग भगवानराः अकूस मेरिंग मनवेयता अरू होड़कू मेरिंग गदनेवाकूता।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

रूमी 6:21

मनदो हनारे अपे जीवरे चिला नफापे पवाःआ? कही कोवान। अपे मड़ंगरेपे एचेया, अरू अपेराः जीव लाय एंडागोडता, हनानाः कताकूनपे उहियारगेतान दो, अपेके गियुः लगाःता।

1 कुरिंती 3:3

नुँहू वरी अपे अँननपेराः मनबिदियारेपे सलाव ञवनतना। हनालगा अपे जीवरे इरा अरू कड़ीग इदा। दो अपे एचेरे कसूरराः लूर नेवन कोवानेःआ जा? अरू चउंदीसरिकुःआ होड़कूराः ओंगोल इया मेरपे सलाःतना जा?

1 कुरिंती 5:2

अरू नाःआ बदीरे अपे बड़वारतनापे। मनदो अपे नाःआ बदीरे अपे हदराः दोहोकुः दो, हाँयग होड़ अपे तलाते हिगार एंडागोडकेःआपे।

1 कुरिंती 5:6

अपे हाँयग सनहा होड़ बदीरे चिला लगापे बड़वारतना? अपे मेरपे सुसुदीता जा, गुनमिनाः सेबेल सोड़ा जमा गोहोम गुंडा एचे पुड़सूड़गोडता, माःआन?

2 कुरिंती 11:12

दो ईंग सेसेवातना हनन इयायिंग सेवागोड ञवनता, जेमहा ईंग सुदा अउल-तउलगुः लगा दोंगकू ञामता हँकुःआ होड़कू अलोकू बड़वार अवेन, अले हों पउलूस इयाले सेसेवातना, माःआन।

2 कुरिंती 11:15

दो कलउरिकुःआ सेवकियाकू हों भगवानरिकुःआ सेवकियाकूराः सेवा इया बोनाव सेवाकू सेवा दो अबूके बयाः लगा कोवानेःआ। हँकूराः बुनुता इया भगवान हँकूय डंडियावकूता।

गलातिया 6:13

खतनाकिया हँकुःआ होड़कू, अँननकू मोसेसराः जमा नियमकून मेरकू मनाःता। मनदो हँकू अपे एचे खतनाकेडपेखन अँननकू बड़वार लगाकू रेनहापेता।

पिलिपी 2:21

हँकू जमाकू ईसू मसीराः ओंगोल इया तोनोंगाः एचे लगा मेरकू ओंगलेता, मनदो हँकू अँननकू एकला लगाकू ओंगलेता।

कुलूसी 3:2

अपे चउंदीसराः ओंगोलरे अहापे दोहोन, मनदो अपे सेनेरमो देसराः ओंगोलरेपे दोहोन।

2 तिसलूनिका 1:9

भगवान हँकुःआ होड़कू सगर सइटराः डंडे एमेवाकूता अरू हँकुःआ होड़कू परबू ईसूराः मड़ंगतेकू हिगार एंडा जुवाःता अरू हाँयराः जंगरराः मान मरजइत ओरोकू अटकार अवेतेरा।

2 तिसलूनिका 2:12

हँकुःआ होड़कू बेलूर बेलूर एचेय लगाकू मंजूरवाता अरू सताय सरवन ओरोकू बिसवासतेरा, जेमहा हँकू भगवानते डंडकू पनावाः।

2 तिसलूनिका 2:8

कसूर रबूद होड़ एचे ञिलुःता। मनदो परबू ईसू ओंगकेडखन हाँयग रबूद होड़े ञेड एंडागोडेयता अरू परबू हितकाःतो सेंगेलरेय वेगतान अते हाँय लाय जुवाःता।

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

2 तिमुतियूस 3:4

हँकू अडिग होड़कू अरू बेगर बुइदतेकुःआ होड़कू होया जुवाःता अरू बड़वारगुः होड़कू अरू भगवान एचेरे बहालगुः अते अँननकू बहालगुः लगाकू ओंगोल ञवनता।

एकूब 4:16

मनदो अपे अँननपे अपे मरंगपे ओंगलुःता अरूपे बड़वारता। हना इयाःआ बड़वार जमा दो बेनेलूर इदा।

2 पतरस 2:1

मड़ंग जूगरे भगवानराः बड़रा लबरातेकू कताया हँकुःआ होड़कू दोहोना। हनन इया अपे तलारे हों भगवानराः बड़रा लबरातेकू कतायता हँकुःआ होड़कू वेगता। हँकू ओनोक दनंगरे लाय एंडागेराः सरवनकू अगूयता। अँननकूय सडावकेरा हाँयग परबू होंकू आड-बेकारवायता, अरू हना अते हँकू अँननकू अँकू ओहेनकू लाय एंडा जुवाःता।

2 पतरस 2:13

हँकू एटाः होड़कू सुदा बेलूरकू एचेकेरा अरू भगवान हँकू लगा बेलूरे एचे कुदायता। हँकू दिनीने दिनरे बेलूर बुता बुता घड़ीन जोम-ञूय लगाकू ननायगुःता। हँकू अपे सुदाकू जोम ञूयता दो अपे लगा दगी अरू जोरोड इयाकू दोहोनता।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

जूदा 1:10

हनारे हों नँकुःआ होड़कू हँकू मेरकू सुदीयता हना कताकून बदीरे हों एरंग बड़राकू बड़राता अरू बोको जानरकू इया बेगर ओंगोलते इदानकुःआ अरू हना कताकूनते हँकू अँननकू अँकू लाय जुवाःता।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

उदुःतो कताकून 18:7

हँकू अँननकू मरंग बड़ाँवनेनखनकू अहाल-बहालनेना हिनिनमिन हँकू लगा कटसिया अरू पीरापे एमेवाकू। हँकू अँननकूराः जीवरेकू ओंगलुःता, अले रानी इयाले दुड़ुःकिया; अले रंडियाहीन कोवालेःआ, अरू कहियो ओरोले फिकरावनेना।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।