पिलिपी 3:1 - Korwa Bible

¹ ने अजी बोपोहकूतिंग, ईंग अपे एचेरे अरूयिंग कतायतना। अपे ईसू मसी सुदा मिनीयान अते बहालतेपे दोहोन। ईंग मड़ंगिंग ओजाःतेरा हनानाः कता अपे लगा घड़ी घड़ी ओजाःगे लगा ईंग मेरिंग लंगानता। अरू ननानाः अते अपे लबरा चेडदार होड़कू अते बनसावतोपे दोहोनता।

पिलिपी 3:1 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:12

मड़ंगरेकू दोहोना हँकुःआ भगवानराः बड़रा कता होड़कू हों एटाः होड़कू ननानाः इयाकू संतावतेडकुःआ। सेरमो देसरे अपे लगा भगवान इमाने एमेता। हनालगा अपे बनाहालतेपे दोहोन।”

लूका 1:47

अरू ईंगराः इंदरी ईंगरीग सडावदार भगवान एचेरे बहालगुःतना।

रूमी 5:11

ननानाः एकला कोवान, ईसू मसी अबू भगवान सुदाय एचे हेल-मेलगोतेडबुःआ। हनालगा अबू भगवान एचेरेबू भल-भलायगुःता।

2 कुरिंती 13:11

टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

इपीसी 6:10

दो ईंगरिकुःआ अजी बोपोहकूतिंग, टुटीगरे अपे एचेरेयिंग कतायतना, अपे परबूरे हाँयराः अगामाः जंगरते अपेराः जीव बड़ियाड़ इदीन।

पिलिपी 3:3

मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।

पिलिपी 4:4

अपे परबू एचेरे जमा बेला बहालतेपे दोहोन! अरूयिंग कतायतना, अपे बनाहालतेपे दोहोन!

पिलिपी 4:8

दो ईंगरिकुःआ अजी बोपोहकूतिंग, ईंग नाःआ चिठी टुटीगगे अते मड़ंग अपे एचेरेयिंग कतायतना, सताय अरू मान मरजइतगे इदा हना कताकून, अरू नपाय अरू सुद इदा हना कताकून, अरू होड़कू ननायगोडकूता अरू भल-भलायवाकूता हना कताकून, हना जमाकूनपे ओंगोलगोड ञवन। अरू नाय नपाय अरू जागगे इयाःआ इदा हनानाः कताकूनपे ओंगोलगोड ञवन।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

1 तिसलूनिका 5:16

जमा बेला बनाहालतेपे दोहोन।

एकूब 1:2

ईंगरिकुःआ अजी बोपोहकूतिंग, अपेराः बिसवास बदीरे एटाः एटाः इयाःआ अंदजाव होयाःतान मेला अपे बनाहाल माःआनपे ओंगोले।

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

1 पतरस 4:13

मनदो अपे जेमिन ईसू मसीराः कटसियारेपे मेसानता, हिनिनमिनपे बहालगुः, जेमहा ईसू मसी जमा होड़कू अते मान मरजइते पवाः मेला, अपे हों मुरुक बहालतेपे भबराः।

2 पतरस 3:1

ने ईंगरिकुःआ अजी बोपोहकूतिंग, ईंग अपे लगा बार नमार चिठीयिंग ओजाःगेतना। नाःआ बनर चिठीते अपेराः सताय इंदरी एचे उहियार घड़ीनिंग कता बहालगेतना।