पिलिपी 2:30 - Korwa Bible

³⁰ हाँय ईसू मसीराः बुता बदीरे गोनेगगुःरेय दोहोना अरू अनँयग जीव गुजुः जियाः ओंगोल अड़ाः एंडाकेडखन अपे ईंग मेरपे एमे अवेवागडिंग हना संघरा हाँय एमेवातिरिंगा।

पिलिपी 2:30 ပူးပေါင်းရင်းမြစ်များ

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

रूमी 16:4

हँकिन ईंग लगा गुजुः लगा हों सपड़ावतकिन दोहोना। हनालगा ईंग, अरू जमा बेगर एहूदा बिसवासी होड़कू हँकिनले धनियाबादतना।

1 कुरिंती 15:53

नुँहू अबूराः देह सेयाकेडखन लाय एंडा जुवाःता। दो अबूराः नाःआ देह बदलाव जुवाःता अरू हना नँवा देह कहियो ओरो सेया लायनेना।

1 कुरिंती 16:10

अपे सुसुदीतना, तिमुतियूस ईंग इया परबूय सेवातना। हाँय अपे एचेरेय सेन दो बेगर बोरतेय दोहोन लगापे संघरावाय।

1 कुरिंती 16:17

अपे जमाकू ईंग एचेरे मेरपे वेग अवेगना। मनदो अपे लगा इसतपनूस अरू पुरतुनातूस अरू अकइकूस ईंग एचेरे संघरावायिंग लगाकू वेगकिया। हनालगा ईंग जीव अहाल-बहालयना।

2 कुरिंती 12:15

हनालगा ईंग बहालते ईंगराः जमा जिनिसकून अरू ईंग इनिंग हों अपे लगा जिमागुः लगा सपड़ावतो इदानिंगा। ईंग अपे मुरुक बगरायिंग अलार-दुलारपेतान दो अपे ईंग गुनमिनपे अलार-दुलारगींगता जा?

2 कुरिंती 4:12

दो अले ईसू मसी बदीरे परसारगेतान अते गुजुः सेंगसारेले पारता अरू हना सरवन बिसवासकेडखन अपे जिनीवपे पवाःता।

पिलिपी 2:17

भगवान एचेरे अपेराः बिसवास अरू सेवा भगवान लगा दाः बलिदानकू दूलता हना इया इदा। अरू हना बलिदान पुरावगे लगा ईंगके गुजुः हों पराः, हनारे हों ईंग अपे सुदायिंग बनाहाल जुवाःता।

पिलिपी 2:27

हाव, हाँय बेमारीरेय दोनोहोना अरू हाँयराः मड़ा महक उडुंगयान। मनदो भनगवान हाँये मयावातेरा। भगवान हाँय एकला कोवान, मनदो ईंग होंय मयावातेरा, जेमहा ईंगराः जीव अहा अदरुजीन।

पिलिपी 4:10

ने अजी बोपोहकूतिंग, अपे मुरुक दिन तयोमरे ईंग अरू संघरावायिंग लगा सपड़ावतो इदानपेःआ। हनालगा अपे बदीरे ईंग मुरुक बहालरे इदानिंगा। अपे ईंग संघरावा लगापे ओंगलेःआ, मनदो अपे दाव मेरपे पवावगान। हनालगा अपे ईंग मेरपे संघरा अवेवागडिंग।

पिलिपी 4:18

अपे इपापुरूदितूसते ईंग लगापे वारतेरा हना संघरा, ईंग पवावकियानखनिंग संतोकयना। नुँहू ईंग एचेरे तोनोंग इयाःआ हुडिंग बगरा कोवानेःआ अरू जनामालेःआ इनिदा। अपेराः संघरा भगवान लगा नपाय महक एमेयता हना बलिदान इया इदा अरू हनाते हाँय ननाययना।

पिलेमोन 1:13

मनदो हाँय आम बदलारे, नपाय सरवन बदीरे ईंगे संघरा अवेवायिंगता। हनालगा हाँय जेहेलरे ईंग सुदा दोहोन लगायिंग चहाःतना।

उदुःतो कताकून 12:11

हँकुःआ बिसवासी होड़कू भेड़ा होनराः बलंगीते, अरू हाँयरिकुःआ हिदइतदारकू दोहोन अतेकू जितावयान। अरू हँकू गुजुः ततेररे हों, अँननकूराः जीव बनसावगे लगा मेरकू ओंगोल दोहोगाड।