पिलिपी 2:21 - Korwa Bible

²¹ हँकू जमाकू ईसू मसीराः ओंगोल इया तोनोंगाः एचे लगा मेरकू ओंगलेता, मनदो हँकू अँननकू एकला लगाकू ओंगलेता।

पिलिपी 2:21 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:24

ईसू चेलाकूतेन एचेरेय कतातेड, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

लूका 14:26

“तोनोंगीग होड़ ईंगरीग चेला बड़ाँः इदान दो ईंग अते आँयग एंगात, अपात, एरात, लइंकू, वपक बोपोहकूतेन, अजी मेमेसकूतेन अरू आँयग जीव हों बगरा अलोय दुलारगे। नाःआ इया मेरेय एचेय होले, हाँय ईंगरीग चेला ओरोय बड़ाँव अवेनेना।

मूक चेलाकू 13:13

हनते पउलूस अरू आँयग सउंगताकू पाफूस अते जहाजते पंपुलिया छतरराः पिरगा सहररेकू सोदोरनेन। मनदो एहुना हँकिन अड़ाःतेडखन एरुसलेम सहर अगीय कुदायान।

मूक चेलाकू 15:38

मनदो पंपुलियारे मरकूस हँकिन अड़ाःतेडखने सेनेडा, हनालगा हाँय हँकिन सुदा सेन लगा पउलूस मेरेय चहाःआ।

1 कुरिंती 10:24

तोनोंगीग अनँयगराः नफा लगा अलोय ओंगले, मनदो एटाः होड़कूराः नफा होयाः लगाय ओंगले।

1 कुरिंती 10:33

ईंग इनिंग ननायगुः अते एटाः होड़कू ननाय जुवाः लगा जमा बेलायिंग कुरनिसगेता। ईंग इनिंगराः नफा मेरिंग ओंगलेता, मनदो एटाः होड़कू सडाव जुवाः लगा हँकूराः नफायिंग ओंगोलता।

1 कुरिंती 13:5

सहे गियुः इया मेरेय सलाःता। हाँय अनँयग नफा लगा मेरेय ओंगलेता, सहे ओहेन मेरेय रिसुःता। हाँय एटाःकूराः गारबार, अनँयग जीवरे मेरेय ओंगोल दोहोयता।

2 कुरिंती 1:5

ईसू मसी कटसियाय सहावतेरा हनन इया अलिंग हों कटसियालिंग सहावतना, अरू हिनिनमिन बगरा ईसू मसी अलिंगराः जीवे हड़ियाड़गोडता।

पिलिपी 2:4

अपे अँननपे लगा एकला अलोपे ओंगोलगोड ञवन, मनदो एटाः होड़कू लगा होँपे ओंगोलगोड ञवन।

2 तिमुतियूस 1:15

आम सुदीयतना आसियारिकुःआ अदोम बिसवासी होड़कू ईंगकू अड़ाःगोतेडा। पुगलूस अरू हिरमुगनेस, हँकिन हों ईंगकिन अड़ाःगोतेडा।

2 तिमुतियूस 3:2

हनमेला होड़कू अँनकू अँकू दुलारगुःता, लुभिया अरू बड़वार होड़कूकू होयाःता, जमाकू अते मरंगकू ओंगलुःता, एटाः होड़कूकू ओपताता अरू अँननकू एंगा अपाराः कताकू टड़ावगोडता, बेगर मयातेकुःआ अरू मइलाल जीव होड़कू होयाःता।

2 तिमुतियूस 4:10

करेसकेस गलातिया राइज अगी अरू तितूस दलमतिया राइज अगी तोराकिना। अरू देमास नाःआ चउंदीसराः जिनिसकून नपाय मंजूरवातेडखन ईंगे अड़ाःगोतेडिंग अरू तिसलूनिका सहर अगी तोराय।

2 तिमुतियूस 4:16

मड़ंगरे कोट कछेरीरेयिंग सेनेडा दो ईंग बदीरे कताय लगा तोनोंगीग मेरकू सेनेगान अरू जमाकू ईंगकू अड़ाःगोतेडिंग। ईंग अरजीतना भगवान हँकुःआ होड़कू अहाय डंडियावकू।