पिलिपी 1:18 - Korwa Bible

¹⁸ नाःआते चिला होयाःता? तोनोंगाः बेलूर ओंगोलते सहे नपाय ओंगोलते, नाःआ बनर ओंगोलते मसीराः बदीरेकू परसारगेता दो नाःआते ईंग बहालरे इदानिंगा अरू बनाहाल बहालतेयिंग दोहोनता। हाव, ईंग बनाहाल बहालतेयिंग दोहोनता।

पिलिपी 1:18 ပူးပေါင်းရင်းမြစ်များ

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

मरकूस 12:40

रंडियाहीनकू एचेरेकू अडिग जोमता। होड़कू उदुःवाकू लगा हँकू मुरुककू अरजीता। भगवान हँकुःआ होड़कू मुरुके डंडियावकूता।”

लूका 9:45

मनदो हँकुःआ चेलाकूतेन ईसू कतातेरा हना कता मेरकू बुझाव अवेगान। हना कता हँकू लगा ओकोत दोहोना अरू ईसू एचेरे होंबरे लगाकू बोरा।

लूका 9:50

दो ईसू कतातेरा, “तोनोंगीग अपे मेरेय घंटावपेता हाँय अँननपेरीग होड़ हवे। हनालगा हाँय अहापे रोंकावगेय।”

रूमी 3:9

दो नाःआ बदीरे चेले माःआनबू कता अवेयता? अले एहूदाकू एटाः होड़कू अते ननपाय इदानलेःआ जा? बुरी, कोनोवालेःआ। ईंग मड़ंगरेयिंग कता उदुःकेरा, एहूदाकू अरू बेगर एहूदाकू जमाकू कसूररे इदानबुःआ।

रूमी 6:15

दो अपे ईंगपे उदुःवा। अबू नियमकून मनाः अते भगवान अबू मेरेय सडावगाडबुःआ, मनदो मयावाडबूखने सडावकेडबुःआ। दो अबू कनासूरगोड ञवन जा? कहियो ओरो।

1 कुरिंती 10:19

दो मुरती मड़ंगरे देगतो बलिदानरे तोनोंगाः जंगर इदा अरू मुरतीरे हों जंगर इदा माःआन ईंग मेरिंग कतायतना।

1 कुरिंती 14:15

दो ईंग चिलायिंग एचे? ईंग बिरुवाते होयिंग अरजीता अरू ओंगोल चुवेरगे घड़ीन होयिंग अरजीता। ईंग बिरुवाते होयिंग सेरेंगता अरू ओंगोल चुवेरगे घड़ीन होयिंग सेरेंगता।

1 कुरिंती 15:11

दो ईंग, सहे ईसूरिकुःआ एटाः मूक चेलाकू, अले जमाकू ननानाः सरवनले परसारता, अरू ननानाः सरवनपे बिसवासकेरा।

पिलिपी 1:19

दो ईंग सुसुदीतना, अपेराः अरजीते अरू ईसू मसीराः सुद बिरुवाराः संघराते, ईंग जीवरे होयाकिया नाःआते भगवान ईंगे सडावता।