पिलेमोन 1:7 - Korwa Bible

⁷ ने ईंगरीग मसी बोहोयिंग, आम भगवानरिकुःआ सुद होड़कूम दुलारता अरू हँकुःआ होड़कूराः जीव मुरुकमे एचे हड़ियड़गोतेडकुःआ। हनाते आम ईंगराः जीवमे बहालगोतेडा अरू ईंगराः जीवमे सलसतगोतेडा।

पिलेमोन 1:7 ပူးပေါင်းရင်းမြစ်များ

1 कुरिंती 16:18

हँकुःआ होड़कू अपेराः जीवकू हड़ियाड़केरा हनन इया ईंगराः जीव होंकू हड़ियाड़गोतेरा। नाःआ इयाकुःआ होड़कूपे मान मरजइत।

2 कुरिंती 7:13

नाःआ अते अलेराः जीव अपे बदीरे मुरुक हड़ियाड़यना। अलेराः जीव हड़ियाड़यना अरू तितूसराः जीव हों अपे अते अहाल-बहालयान अते अलेराः जीव अनउर हड़ियाड़यान।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

1 तिसलूनिका 2:19

परबू ईसू कुदा वेगता हनमेला इये बदीरे भगवान एचेरेले असरा, इये बदीरेले बहालगुः अरू इये बदीरेले भल-भलायगुः?

1 तिसलूनिका 3:9

अले भगवान एचेरे अरजी मेला अपे बदीरे मुरुकले बहाल जुवाःता, अरू अपे बदीरे भगवान मुरुकले जागगेयता। हनारे हों करा उड़ीले पुराव अवेय?

2 तिमुतियूस 1:16

उनेसिपुरुस कइन तुरहा ईंग जीवे कता बहालकेरा। ईंग जेहेलरेयिंग दोहोना हनारे हों हाँय ईंग बदीरे मेरेय गियूगान। हनालगा हाँय ओड़ाःरिकुःआ होड़कू भगवान सोगावाकू लगायिंग अरजीतना।

पिलेमोन 1:20

ने ईंगरीग मसी बोहोयिंग पिलेमोन, ईंग असेयतना हनाम एचेगोड। ईंगराः जीव परबू ईसूरेम हड़ियाड़गोड।

2 एहुना 1:4

ईंग सुदीयतना आमरिकुःआ अदोम लइंकू भगवानराः सताय सरवन इया नपायतेकू जियाःतना। हँकुःआ होड़कू अपांग भगवान कतातेरा हना नियम इयाकू एचेयतना। हनालगा ईंग मुरुक बहाल इदानिंगा।