पिलेमोन 1:6 - Korwa Bible

⁶ ईंग अरजीतना आम जमा बिसवासी होड़कू सुदा संगइतीरे अरूम बगरा जुवाः, जेमहा भगवान अबू लगा ईसू मसीते अबू जीवे भलावातेडा हना बदीरे अरू नपायतेम बुझाव अवेन।

पिलेमोन 1:6 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:16

पाँचटोंग सोनाराः रिचकी ढिबुवाय पवावनेना हाँयग होड़ सेनेडखन फेरवइत घड़ीन अरू पाँचटोंग सोनाराः रिचकी ढिबुवाय पुंजियावतेरा।

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

1 कुरिंती 14:25

भगवान हँकूराः ओकोत ओंगोलकूने एचे सुदीकूता अरू हँकू टोबोः भरसारेकू उकुड़ोमगुःता अरू भगवान जाग घड़ीनकू कतायता, सतायरे भगवान अपे तलारे इदानिया, माःआन।

1 कुरिंती 16:9

नंडाकुःआ होड़कू मुरुककू घंटावगिंगतना। हनते हों नंडा परबूराः सेवा लगा ईंगके मुरुक दाव इदा।

पिलिपी 4:8

दो ईंगरिकुःआ अजी बोपोहकूतिंग, ईंग नाःआ चिठी टुटीगगे अते मड़ंग अपे एचेरेयिंग कतायतना, सताय अरू मान मरजइतगे इदा हना कताकून, अरू नपाय अरू सुद इदा हना कताकून, अरू होड़कू ननायगोडकूता अरू भल-भलायवाकूता हना कताकून, हना जमाकूनपे ओंगोलगोड ञवन। अरू नाय नपाय अरू जागगे इयाःआ इदा हनानाः कताकूनपे ओंगोलगोड ञवन।

कुलूसी 1:9

ननानाः लगा अलिंग नाःआलिंग अयूमकेरा, हना दिन वरीते अपे लगा, भगवान एचेरे अरजीगे लगा मेरलिंग अड़ाःगरा। भगवानराः ओंगोल जमालेःआपे सुदीय लगा, सुद बिरुवाते अपे कनहूनदारकू अरू बुझावदारकू होयाः लगालिंग अरजीगोड ञवनतना,

कुलूसी 3:10

अपेराः लूर-नेवन नँवायना। अरू अपेरीग तुलादार भगवान आँयगराः लूर इया अपेराः लूर-नेवने नँवागोड ञवनता, जेमहा अपे हाँय, अनउर नाय नपायतेपे सुदी अवेय।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

एकूब 2:14

ईंगरिकुःआ अजी बोपोहकूतिंग, तोनोंगीग होड़ कतायतना, ईंग ईसू मसी एचेरेयिंग बिसवासगेतना। मनदो हाँय नपाय बुता मेरेय एचेयता दो हनारे चिला नफा इदा? नानाः इयाःआ बिसवासते हाँय सडाव जुवाःताय जा?

एकूब 2:17

हनन इया तोनोंगीग होड़ कतायता, ईंग बिसवासगेयतना। मनदो बिसवास इया नपाय बुता मेरेय बुतायता दो, हाँयराः बिसवास गोएगतो इया इदा।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 3:1

ने अइमीकू, हनन इया अपे अँननपेरिकुःआ हेपेरेलकूतापेराः आड़रेपे दोहोन। हँकू अते तोनोंगीग होड़ भगवानराः सरवन मेरकू बिसवासगेतान दो,

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

2 पतरस 1:8

नाःआ कताकून अपेराः जीवरे इदा अरू बडेनता दो, अबूरीग परबू ईसू मसीराः कनहून बदीरे अपेराः जीव बेगर लूर अरू सदाःआ ओरो होयानेना।